გალერეა „არტარეა“ თანამედროვე ქართველი ხელოვანის ლია ბაგრატიონის სოლო გამოფენა „ვარდნის საშიშროებას“, თამთა შავგულიძის კურატორობით მასპინძლობს. გამოფენა, რომლის მთავარი ესთეტიკური ნიშანი მისი მონოქრომულობა, ვიზუალურად მყარი მოცულობრივი ფორმების სირბილე და ტაქტილურ შეგრძნებათა დუალურობაა და რომლის თითოეული ნამუშევარი გალერეაშივეა შექმნილი, შეგიძლიათ „არტარეაში“ 10 დეკემბრის ჩათვლით იხილოთ.
თანამედროვე ხელოვნების გალერეა Window Project-ი გამოფენა „ურთიერთობას“ - ლევან ჭელიძისა და 4 ბრიტანელი მხატვრის - ვიკი ამირალის, ედ ლუისის, ანა რედვუდისა და სემ ვების ნამუშევრებს მასპინძლობს. გამოფენის სახელწოდება ქართული სიტყვა „ურთიერთობის“ ეტიმოლოგიით არის შთაგონებული და ასახავს არტისტების ინტერაქციას ქართულ სულთან და ლანდშაფტებთან.
ახალგაზრდა ხელოვანების, ქართული სამხატვრო წრეების ფენომენად ქცეული ვუნდერკინდი ტყუპი დების ესთერ და გრეის პიტიურიშვილების პერსონალური გამოფენა „ბულა კანი“ არტ გალერეა ვაკეში 3-5 დეკემბერს მოეწყობა.
„არტ ვილა გარიყულა“ ძმები ზდანევიჩების სახელობის თანამედროვე ხელოვნების რიგით მე-13 ფესტივალს „სახესხვაობას“ წარმოგვიდგენს. კოვიდ სიტუაციიდან გამომდინარე, წელს გამოფენა სამ სხვადასხვა ლოკაციაზე გაიმართება. ფესტივალის ფარგლებში სულ ცხრა არტისტი შეირჩა, რომელთაგან ექვსი ხელოვანის: სალომე გაგუას, მარი ყალაბეგაშვილის, თამუსა ზარქუას, გვანცა ჯგუშიას, ლოლა მაჭარაშვილისა და ნიკა კოპლატაძეს ნამუშევრები 24 ნოემბრიდან 30 ნოემბრის ჩათვლით „მაუდის“ სივრცეში, გამოფენაზე CANILEAVENOW, იქნება წარმოდგენილი.
თეატრალური მხატვარი, გრაფიკოსი, საქართველოს სახალხო მხატვარი, ზაქარია ფალიაშვილის სახელობის თბილისის ოპერისა და ბალეტის სახელმწიფო თეატრის მთავარი მხატვარი, თბილისის სამხატვრო აკადემიის პროფესორი და შოთა რუსთაველის ეროვნული პრემიის ლაურეატი - მამია მალაზონია, გამოფენა „საიათნოვას“ „გალერეა 9-ში“ გამართავს.
საფრანგეთში, 1944 წლის ერთი მშვენიერი დღე იქნებოდა, როდესაც გალერისტ ჟონ ბიუშეს ჩანაფიქრმა ხელშესახებ რეალობად გარდაქმნა დაიწყო. პიკასოს ცოლის დორა მაარის გამოფენაზე მისულმა სტუმრებმა მოულოდნელად აღმოაჩინეს აბსტრაქტული მონახაზების წონასწორობა, მათი სიბსუბუქე და ჰაეროვნება, რომლის მიღმაც ბიუშეს რჩეული და ფავორიტი გოგო - ქართველი ემიგრანტი ქალი მხატვარი ვერ ფაღავა იდგა.
შემოდგომა წელიწადის დროების ნამდვილი საგანძურია, ერთ-ერთი ყველაზე მშვენიერი სეზონი, თავისი ფერთა გამით, გარდამავალი ტონებით, ფოთოლცვენითა და უმშვენიერესი დაისებით მნახველის აღფრთოვანებას არასოდეს წყვეტს. ეს სეზონი საუკეთესო დროა ბუნების ახლოდან აღმოსაჩენად და მის შესასწავლად და შესაგრძნობად, შთაგონებისთვის ერთი მაგიური პეიზაჟიც კი საკმარისია და ის თქვენი მეხსიერებიდან არასოდეს გაქრება.
2019 წლის 7 ოქტომბერს, კავკასიაში პირველი ციფრული ხელოვნების მუზეუმი - თბილისის ციფრული სივრცე გაიხსნა, რომელმაც ქართველი საზოგადოება ციფრულ ხელოვნებას აზიარა. ოთხი განსხვავებული სივრცით, ხელოვნების ლეგენდარული წარმომადგენლების ნამუშევრებით, თვალუწვდენელი სამყაროების ჯადოსნობებითა და ქართველი მწერლების შემოქმედებით შთაგონებული ფილმებით, თბილისის ციფრული სივრცე ჩვენს გაოცებას არ წყვეტს და კიდევ ერთ ფილმს წარმოგვიდგენს, რომელიც ილია ჭავჭავაძის ლექსის ბაზალეთის ტბის მოტივებზე შეიქმნა.
კიდევ ერთი მნიშვნელოვანი და საინტერესო გამოფენა თბილისში, თიბისი კონცეპტის სივრცეში, მარჯანიშვილის 7-ში 28 ოქრომბრიდან 28 ნოემბრამდე მიმდინარეობს. გამოფენა სახელწოდებით - „ციფრული მკვიდრები“, რომელიც თანამედროვე ხელოვანების საერთაშორისო ჯგუფს აერთიანებს.
თანამედროვე სტანდარტებით, განახლებული საექსპოზიციო დარბაზებითა და რეაბილიტირებული ინტერიერით დიმიტრი შევარდნაძის სახელობის ეროვნული გალერეა დღეს, ორი დიდი მხატვრის ნიკო ფიროსმანაშვილისა და ირაკლი ფარჯიანის შემოქმედებით გაიხსნება. განახლებულ ეროვნულ გალერეაში სარემონტო სამუშაოები საქართველოს კულტურის, სპორტისა და ახალგაზრდობის სამინისტროს ფინანსური ხელშეწყობით 2011 წლის შემდეგ პირველად ჩატარდა.
