Emily in Paris-ის მეხუთე სეზონის პრემიერა ახლოვდება და სერიალის ოფიციალური პრეს-ტურიც უკვე დაიწყო. ლილი კოლინზმა, ეშლი პარკთან და ფილიპინ ლეროი-ბოლიესთან ერთად, პრესასთან პირველი შეხვედრები ვენეციაში გამართა – ქალაქში, რომელიც მეხუთე სეზონის ერთ-ერთი მთავარი ლოკაციაა.
ვენეციის არხის ფონზე მსახიობები მაღალი მოდის სახლების ლუქებში გამოჩნდნენ. ლილი კოლინზმა სრულიად ახალი იმიჯი მოირგო და კარიერაში ყველაზე მოკლე ბობით გამოჩნდა. როგორც ცნობილია, მისი ინსპირაცია ვიქტორია ბეკჰემის ცნობილი ვარცხნილობაა და ეს დრამატული ცვლილება სერიალის ახალ, „რომაულ“ გარემოში გადასვლას უკავშირდება.
ვენეციისთვის კოლინზმა Schiaparelli-ს 2025 წლის გაზაფხულის სეზონის ოტ კუტურის კოლექციის კაბა შეარჩია. Daniel Roseberry-ს მიერ შექმნილი მარგალიტისფერი კაბა სხეულზე მომდგარი ზედა ნაწილითა და ბუმბულებით დაფარული ქვედა ნაწილით გამოირჩეოდა. მსახიობმა მთლიანი ლუქი Cartier-ის სამკაულებითა და გვერდულად გაყოფილი მოკლე ბობით შექმნა.
ფილიპინ ლეროი Ferragamo-ს 2025 წლის შემოდგომის კოლექციის დიზაინსა და Christian Loubouti-ს ბალერინა ფეხსაცმლელში გამოჩნდა. ეშლი პარკმა კი ამ დღისთვის Antonio Grimaldi-ს 2025 წლის შემოდგომის კოლექციის კაბა აირჩია.
კაბის სკულპტურული ფორმები ზუსტად ეხმიანებოდა ვენეციის არქიტექტურას, რომლის წინაშეც პოზირებდნენ მსახიობები. მსოფლიოს ერთ-ერთ ყველაზე კინემატოგრაფიულ ქალაქში Emily in Paris-ის მსახიობების ჩაცმულობამ კიდევ ერთხელ ცხადყო, რატომ არის Netflix-ის სერიალის მოდა მუდმივად ყურადღების ცენტრში. სერიალის პრემიერა 18 დეკემბერსაა ჩანიშნულული.
ფოტო: Giulia_Parmigiani_Photography
Amazon Prime-ის ახალი სერიალი Off Campus რომანტიკული დრამების ჟანრს ახალ სიცოცხლეს სძენს. სერიალი ელ კენედის პოპულარულ წიგნებს ეფუძნება და მაყურებელს საინტერესო თინეიჯერულ დრამაში ეპატიჟება.
TheDiary-ის ახალი Cover Story საქართველოს დამოუკიდებლობის დღეს ეძღვნება. მისი მთავარი გმირები მსახიობი აპოლონ კუბლაშვილი და „დელფოსის“ გამორჩეული კოლექციაა, რომელიც თითბრისგან შექმნილ მოვერცხლილ და მოოქრულ ფიგურებს აერთიანებს.
Tbilisi Newcomers 2026 საკონკურსო ნამუშევრების მიღებას იწყებს. განაცხადების მიღება 22 მაისიდან 7 ივნისის 18:00 საათამდე გაგრძელდება.
