ბიონსემ ტურნე Cowboy Carter 28 აპრილს ლოს-ანჯელესიდან დაიწყო. კონცერტების სერია, რომელიც ჩრდილოეთ ამერიკასა და ევროპაში 32 ქალაქს მოიცავს, მუსიკალურ პროგრამასთან ერთად გამორჩეულია ვიზუალური გადაწყვეტით. სასცენო კოსტიუმები, რომლებიც სპეციალურად ტურნესთვის შეიქმნა, აერთიანებს ამერიკული ვესტერნის ესთეტიკას და თანამედროვე მოდის მნიშვნელოვან სახელებს.
ბიონსე ყოველთვის განსაკუთრებულ ყურადღებას აქცევს შოუს, სადაც მუსიკა, ვიზუალური გაფორმება და ტანსაცმელი ერთად ქმნის სრულყოფილ ესთეტიკას. Cowboy Carter-ის ტურნესთვის მომღერალმა არჩევანი როგორც მაღალი მოდის ბრენდებზე, ისე ახალ თაობის დიზაინერებზე გააკეთა. Off White, Ralph Lauren, Dolce & Gabbana და Versace სასცენო გარდერობის მნიშვნელოვან ნაწილს წარმოადგენს. ამასთან, ბიონსე სცენაზე ჩნდება Sami Miro-ს, Anrealage-სა და Ottolinger-ის კოსტიუმებშიც.
|
|
ერთ-ერთი გამორჩეული ვიზუალი წარმოდგენილი იყო ჰიუსტონის კონცერტზე, სადაც ბიონსემ სცენაზე ქართველი დიზაინერის, დავით კომას მიერ შექმნილი კოსტიუმი მოირგო.
Cowboy Carter 26 ივლისს ლას-ვეგასში დასრულდება. თვალი ადევნეთ TheDiary-ს, სადაც ბიონსეს ყველა მნიშვნელოვანი სასცენო კოსტიუმი გაშუქდება.
|
|
Amazon Prime-ის ახალი სერიალი Off Campus რომანტიკული დრამების ჟანრს ახალ სიცოცხლეს სძენს. სერიალი ელ კენედის პოპულარულ წიგნებს ეფუძნება და მაყურებელს საინტერესო თინეიჯერულ დრამაში ეპატიჟება.
TheDiary-ის ახალი Cover Story საქართველოს დამოუკიდებლობის დღეს ეძღვნება. მისი მთავარი გმირები მსახიობი აპოლონ კუბლაშვილი და „დელფოსის“ გამორჩეული კოლექციაა, რომელიც თითბრისგან შექმნილ მოვერცხლილ და მოოქრულ ფიგურებს აერთიანებს.
Tbilisi Newcomers 2026 საკონკურსო ნამუშევრების მიღებას იწყებს. განაცხადების მიღება 22 მაისიდან 7 ივნისის 18:00 საათამდე გაგრძელდება.
