უკვე მესამე დღეა, რაც პარიზში trend setter-ები იკრიბებიან და წინა რიგებიდან დიზაინერების უახლეს ნამუშევრებს ათვალიერებენ. მოდით, კვირეულის მიწურულს, ჩვენც გადავხედოთ რამდენიმე გამორჩეულ მომენტს.

სმაკი ყველასგან გამორჩეულია და მისნაირს ვერსად შეხვდებით. მისი ცეცხლოვანი, ენერგიით დამუხტული სამოსი უკვე საქართველოს საზღვრებსაც გასცდა და ამერიკის შეერთებულ შტატებში ამოყო თავი. დღევანდელ სტატიაში, დიზაინერი ბრენდის იდენტობაზე, ამერიკულ წარმატებასა და სამომავლო გეგმებზე მოგიყვებათ.

სვაროვსკის თითოეული ნამუშევარი მაქსიმალური სიზუსტითა და ოსტატობითაა შექმნილი და გასაკვირი არც არის, რომ უკვე 129 წელია არ კარგავს აქტუალობას. ბრენდის უახლესი კოლექცია კი იდეალური მაგალითია იმისა, თუ როგორ შეიძლება, ჩვენს გარშემო არსებული ცოცხალი სამყარო ფუფუნების ნივთების ინსპირაციის წყაროდ აქციო.

დენიელ როზბერიმ, პარიზის მაღალი მოდის კვირეული Schiaparelli-ის ჩვენებით გახსნა. კოლექციის ინსპირაცია კი თავად ელზა სკიაპარელია, როგორც ტრანსფორმაციისა და მუდმივი აღორძინების სიმბოლო. ფერფლიდან ამომავალი ფენიქსის სიმბოლოებით დატვირთული Schiaparelli-ს 2024 წლის მაღალი მოდის კოლექცია ხელოვნების ნამდვილი ნიმუშია.

2024 წლის ზაფხული ფემინური კაბების, მოკლე შორტების და მაქსიმალურად საზაფხულო სამოსის დროა. TheDiary-ს რედაქცია ამ ზაფხულის TOP 5 ტრენდს წარმოგიდგენთ, რომლის ანალოგებს ონლაინ თუ ადგილობრივად, მაღაზიებში აუცილებლად იპოვით.

მარია გრაცია კიური და დიორის მოდის სახლის სხვა დიზაინერები საოცარი Resort Show-ს შემდეგ სიახლეებით ბრუნდებიან. დიორმა Dioriviera-ს ახალი კოლექცია წარადგინა, რომელიც ზაფხულში უსასრულო მოგზაურობას მოგანდომებთ.

ქართველმა ფეხბურთელებმა ევროპის სხვადასხვა ქვეყანაში, რამდენიმე მატჩი უკვე ჩაატარეს და გვასახელეს კიდეც. ბოლო დღეებია, ნაკრების წევრების უამრავი ფოტო გავრცელდა და მათი ჩაცმულობა The Diary-ს რედაქციას ყურადღების გარეშე არ დაუტოვებია. ერთად ვნახოთ, რომელ ბრენდებს ანიჭებენ უპირატესობას ჩვენი ფეხბურთელები.

უკვე 5 წელზე მეტია, რაც Matters ქართული მოდის ბაზარზე მნიშვნელოვან ადგილს იკავებს. ბრენდმა ამ დროის მანძილზე ერთგული მომხმარებლები შეიძინა, რომელთათვისაც დახვეწილ, ტრენდულ და ამავდროულად განსხვავებულ სამოსს ქმნის. ჩვენმა მკითხველმა ბრენდის პირველი ნაბიჯების შესახებ უკვე კარგად იცის, ამჯერად კი Matters-ის დამფუძნებლები ბრენდის მთავარ შტრიხებზე, წლევანდელი ზაფხულის კოლექციასა და სამომავლო გეგმებზე თავად მოგვითხრობენ.

104 ფუტის სიმაღლის კლდოვან ნაპირზე ფრანგმა დიზაინერმა სიმშვიდით, სილამაზითა და იტალიური სულით გაჟღენთილი ჩვენება წარმოგვიდგინა, რომელიც ზაფხულის კაპრიზე გატარებას გვანდომებს. ფრანგული მოდის სახლი უკვე 15 წელია არა მხოლოდ ორიგინალური და თვალისმომჭრელი ტანისამოსის შემქმნელი, არამედ გასაოცარი მარკეტინგული კამპანიებით გვამახსოვრებს თავს.

ფრანგი დიზაინერი, რომელიც მზიანი ხმელთაშუა ზღვის ესთეტიკაზეა შეყვარებული, 15 წლის საიუბილეო ჩვენებას კაპრიზე, Casa Malaparte-ში გამართავს, ერთი კვირით ადრე კი იტალიის კუნძულზე ახალი მაღაზიაც გახსნა. ჟაკმუსმა არაერთხელ დაგვამახსოვრა თავი მოდის, გასაოცარი არქიტექტურისა და ბუნების სინთეზით, გამონაკლისი კი არც აღნიშნული მაღაზია და 10 ივნისს გამართული ჩვენება იქნება.