შვედი სუპერმოდელი და ახალბედა დედა კვლავ მოწოდების სიმაღლეზეა, თუ ელზა ჰოსკის Instagram გვერდს ადევნებთ თვალს მაშინ გეცოდინებათ, რომ Victoria's Secret-ის ყოფილი ანგელოზი სტილის განსაკუთრებული შეგრძნებით, ინდივიდუალური ხედვითა და ახალთახალი ტრენდების დამკვიდრებით გამოირჩევა.
საქართველოს ქალთა საკალათბურთო ნაკრების მოთამაშე, 21 წლის ელენე ილურიძე კარიერას ამერიკაში, კოლეჯების უმაღლეს ლიგაში NCAA-ში გააგრძელებს. ელენემ ტექსასის უნივერსიტეტის გუნდისგან, სრული სტიპენდია მოიპოვა და ამრიგად გახდა მეორე ქართველი კალათბურთელი (პირველი - ნატალია ოთხმეზური), რომელიც ამერიკის შეერთებულ შტატებში აგრძელებს კარიერას.
ჭადრაკის ქართველი ლეგენდა ნონა გაფრინდაშვილი, მსოფლიოში ერთ-ერთ ყველაზე სახელგანთქმულ საკაბელო ტელევიზია Netflix-ს სასამართლოში, სენსაციად ქცეული მინისერიალის The Queens Gambit-ში გაჟღერებული სექსისტური დეზინფორმაციის გამო უჩივის.
მრავალმიზნობრივი პროდუქტების სიყვარულს ვერავინ უარყოფს, განსაკუთრებით თუ საქმე სილამაზის სამყაროს და თავის მოვლას ეხება. რატომ არ უნდა ვიყოთ შეყვარებული პროდუქტზე, რომელსაც დატენიანების, გარემოს დაბინძურებისგან დაცვის და SPF ფილტრი ერთდროულად გააჩნია? - პირიქით, ასეთ საშუალებებზე უბრალოდ თავდავიწყებით ვართ შეყვარებული.
საშემოდგომო გარდერობის იდეებისთვის მოდის ინფლუენსერებზე უკეთესი შთაგონების წყარო არ გვეგულება. დღეს, ნეგინ მირსალეჰის გაგაცნობთ, გოგონას გამორჩეული გემოვნებით და 6.6 მილიონი გამომწერით Instagram-ზე, რომელიც ამსტერდამის მოდური ცხოვრების ქრონიკებს სოციალური ქსელის მეშვეობით საკმაოდ ხშირად გვიზიარებს.
ქართველი დიზაინერი დემნა გვასალია, მოდის ინდუსტრიაში ყველაზე პრესტიჟული ამერიკული დაჯილდოების, მოდის ოსკარად წოდებული CFDA-ს „წლის ქალის სამოსის საერთაშორისო დიზაინერის“ ნომინაციაზეა წარდგენილი. ამავე კატეგორიაში ნომინირებული არიან დიზაინერები: დენიელ ლი Bottega Veneta-სთვის, მიუჩია პრადა და რაფ საიმონსი Prada-სთვის, პიერპალო პიჩოლი Valentino-სთვის და საიმონ პორტე ჟაკმუსი Jacquemus-სთვის.
თავად დრაკონების დედასაც კი სჭირდება სილამაზეზე სათანადო ზრუნვა, ემილია კლარკი გამოცემა Harper's BAZAAR-ის სტუმრად მოგვევლინა და ღამის მოვლის რუტინის საფეხურები, პირადი რჩევები და სამოგზაურო ჩანთის ფავორიტი პროდუქტები გაგვიმხილა.
ნიუ-იორკში მიმდინარე 2022 წლის გაზაფხული-ზაფხულის მოდის კვირეული შესაძლოა რამდენიმე დღეა დასრულდა, თუმცა მასზე საუბარი დღემდე არ წყდება. მოდის სამყარო სასიამოვნოდ გაოცებული დარჩა ახალი სეზონის ჩვენებებითა და აღმოჩენებით, დამკვიდრებული თუ ახლაღმოჩენილი დიზაინერებით, სილუეტების მრავალფეროვნებით, დახვეწილობითა და ეკლექტურობით.
ღონისძიება, რომელიც აუცილებლად უნდა მოინიშნოთ: The Why Not Gallery 18 სექტემბერიდან ხელოვან შალვა ნიკვაშვილის პირველ პერსონალურ გამოფენას „აი ია ყვავილიას“ მასპინძლობს. პროფესიით მოდის დიზაინერი შალვა ნიკვაშვილი წარმოგვიდგენს გამოფენას, რომელშიც კოსტუმი და ზოგადად პერფორმატიულობა წამყვანი როლს თამაშობს, როგორც კამუფლაჟი, საკუთარი თავის დასაცავად, საკუთარ ტრავმებში ჩასაღრმავებლად.
ტრიუმფალურ თაღს არა ერთხელ უნახავს აღლუმები, საპროტესტო აქციები და გამვლელი ტურისტები, თუმცა ომის მონუმენტი პარიზში არასოდეს შეფუთულა ვერცხლისფერი და ლურჯი გადამუშავებადი პოლიპროპილენის ქსოვილით. ტრიუმფალური თაღი ხელოვნების ინსტალაციამ მოიცვა, რომელიც ხელოვანებმა ქრისტომ და ჟან-კლოდმა შეიმუშავეს, "L'Arc de Triomphe, Wrapped" იდეა და ინსტალაციის კონცეფცია სათავეს 1961 წელს იღებს, როდესაც ხელოვანები საფრანგეთში ცხოვრობდნენ.
