ქართული მოდის სცენას ახალი ამომავალი ვარსკვლავი ჰყავს. სანდრო ვეფხვაძე პირველი ქართველი მამაკაცი მოდელია, რომელმაც საერთაშორისო მოდის ინდუსტრიის გლობალური ბრენდების, Dolce & Gabbana-სა დ Dior-ის ყურადღება მიიპყრო და ევროპის პოდიუმებზე საკუთარი ხელწერა დატოვა.
მილანის მამაკაცის მოდის კვირეულზე იტალიურმა მოდის სახლმა Dolce & Gabbana გაზაფხული/ზაფხული 2027 წლის კოლექცია წარადგინა. კოლექცია Vacanze Siciliane ხმელთაშუა ზღვის ესთეტიკას, ჰაეროვან ფაქტურებსა და მზიან, კონტრასტულ პალიტრას ეფუძნებოდა. სანდრო ვეფხვაძე იტალიური მოდის სახლის პოდიუმზე სხეულზე მომდგარი მაისურითა და მოკლე შორტებით გამოჩნდა.
სანდროს დებიუტი ბრენდისთვის გასულ სეზონზე, F/W 26 Men's Show-ზე შედგა, სადაც მან დომენიკო დოლჩესა და სტეფანო გაბანას საფირმო, კლასიკური შავი ლუქი წარადგინა.
ქართველი მოდელი ფრანგული მოდის სახლის, Dior-ის ახალი კამპანიის სახეც გახლდათ. ცნობილი ფოტოგრაფის, გრეი სორენტის ობიექტივში მან Dior Riviera-ს კოლექცია მოირგო. ჯონათან ანდერსონის მიერ შექმნილი საზაფხულო კოლექცია ფრანგი მხატვრის, კრისტიან ბერარის შემოქმედებითაა შთაგონებული და თეატრალურ, ავანგარდულ ესთეტიკას ეფუძნება, რასაც სანდროს ქარიზმატული გარეგნობა იდეალურად ერწყმის.
 |
 |
საერთაშორისო ასპარეზზე გასვლამდე სანდროს კარიერა ლოკალურ სცენაზე ქართულ ბრენდ Situationist-თან თანამშრომლობით დაიწყო. ამასთანავე, სანდროს პორტფოლიო უკვე აერთიანებს ისეთ კონცეპტუალურ პროექტებს, როგორიცაა სამკაულების ბრენდის NeverNoT-ის კამპანია და Massimo Dutti-ს უახლესი ლუქბუქი.
 |
 |
ასე რომ, Dior-თან თანამშრომლობა, Dolce & Gabbana-ს პოდიუმი და წამყვან დიზაინერებთან კოლაბორაცია სანდრო ვეფხვაძეს არა უბრალოდ პერსპექტიულ სახედ, არამედ საერთაშორისო მოდის ამომავალ ვარსკვლავად აქცევს.
შეფ ენცო ნერი TheDiary-ს იტალიიდან საქართველომდე განვლილ გზაზე უყვება. ნერი უკვე ადგილობრივი სტუმარმასპინძლობის ინდუსტრიის გამორჩეული ფიგურაა. იგი Swissôtel-სა და Mercure Tbilisi-ს სამზარეულოს ხელმძღვანელობს და ქართველ გურმანებს იტალიურ სამზარეულოს აცნობს.
გეოპოლიტიკური კონფლიქტები, ძვირი ბილეთები, ექსტრემალური სიცხე და ებოლას საფრთხე 2026 წლის მსოფლიო ჩემპიონატს ისტორიული სკანდალის წინაშე აყენებს.
ილია თოფურია და ჯასტინ გეიჯი UFC Freedom 250-ის მთავარ ბრძოლაში შეხვდებიან ერთმანეთს. ისტორიული ღონისძიება თეთრ სახლში გაიმართება და მსუბუქი წონის ჩემპიონის ვინაობას გაარკვევს.
