ღონისძიება, რომელიც აუცილებლად უნდა მოინიშნოთ: The Why Not Gallery 18 სექტემბერიდან ხელოვან შალვა ნიკვაშვილის პირველ პერსონალურ გამოფენას „აი ია ყვავილიას“ მასპინძლობს. პროფესიით მოდის დიზაინერი შალვა ნიკვაშვილი წარმოგვიდგენს გამოფენას, რომელშიც კოსტუმი და ზოგადად პერფორმატიულობა წამყვანი როლს თამაშობს, როგორც კამუფლაჟი, საკუთარი თავის დასაცავად, საკუთარ ტრავმებში ჩასაღრმავებლად.
ტრიუმფალურ თაღს არა ერთხელ უნახავს აღლუმები, საპროტესტო აქციები და გამვლელი ტურისტები, თუმცა ომის მონუმენტი პარიზში არასოდეს შეფუთულა ვერცხლისფერი და ლურჯი გადამუშავებადი პოლიპროპილენის ქსოვილით. ტრიუმფალური თაღი ხელოვნების ინსტალაციამ მოიცვა, რომელიც ხელოვანებმა ქრისტომ და ჟან-კლოდმა შეიმუშავეს, "L'Arc de Triomphe, Wrapped" იდეა და ინსტალაციის კონცეფცია სათავეს 1961 წელს იღებს, როდესაც ხელოვანები საფრანგეთში ცხოვრობდნენ.
ქართველი ჰალკი - მსოფლიოს ერთ-ერთი საუკეთესო მკლავჭიდელი ლევან საგინაშვილი Netflix-ის ახალ ფილმში გამოჩნდება. სიახლე, თავად ლევანისგან გახდა ცნობილი, როდესაც ქართველმა მკლავჭიდელმა პოდკასტში "მტკივნეული შოუ" განაცხადა, რომ ის სემ ჰარგრეივის ახალ ნამუშევარში Extraction 2-ში მიიღებს მონაწილეობას.
YAMAHA-ს ჯაზ არტისტი, ბერკლის მუსიკალური კოლეჯის კურსდამთავრებული და პირველი ქართველი, რომელმაც მანჰეტენის მუსიკის სკოლაში ჯაზის მაგისტრის წოდება მიიღო - გიორგი მიქაძე კარიერაში ახალ მწვერვალებს იპყრობს და სულ მალე, Berklee College of Music-ის ასოცირებული პროფესორის მოვალეობას შეითავსებს.
6 სექტემბერს, 88 წლის ასაკში, კინოინდუსტრია ფრანგული "ახალი ტალღის" ვეტერან მსახიობ ჟან-პოლ ბელმონდოს დაემშვიდობა. 50-წლიანი ბრწყინვალე სამსახიობო კარიერის, არასტანდარტული გარეგნობისა და ყველაზე სარისკო სიტუაციებშიც კი დუბლიორის გარეშე შესრულებული როლების წყალობით, ბელმონდო ისეთი რეჟისორების ოქროს ბიჭად ითვლებოდა, როგორებიც: ჟან-ლუგ გოდარი, ლუის მალე, ფრანსუა ტრიუფო, კლოდ ლელუში, ჟან-პოლ რაპენო თუ ჯარედ ური იყვნენ.
17 წლის ქართველი სპორტსმენი ალექსანდრე წივწივაძე, პორტუგალიაში მიმდინარე მსოფლიო ჩემპიონატის ოქროს მედლის მფლობელი გახდა. ახალგაზრდა მსოფლიო ჩემპიონმა, რომელმაც იუნიორთა და 23-წლამდელთა ევროპის ჩემპიონატზე ყველას 1000 მეტრიან დისტანციაზე აჯობა, გუშინ 18 წლამდელთა შორის, 500 მეტრზე მოიპოვა გამარჯვება.
გასულ წელს, ქართველი რეჟისორი დეა კულუმბეგაშვილი ფილმით „დასაწყისი“ სან სებასტიანის კინოფესტივალს ესტუმრა და ნამდვილი ტრიუმფიც მოახდინა. დეას სრულმეტრაჟიანმა ფილმმა 4 ჯილდო მოიპოვა, მათ შორის გახლდათ კინოფესტივალის მთავარი პრიზი „ოქროს ნიჟარა”. წელს კი რეჟისორი თავად მოგვევლინება კინოფესტივალის ჟიურის წევრად, ინფორმაციას ამ სიახლის შესახებ საქართველოს კინემატოგრაფიის ეროვნული ცენტრი ავრცელებს.
ზუკა კოტრიკაძე, უდავოდ, ახალგაზრდა და საოცრად ნიჭიერი ქართველი ფოტოგრაფია, რომელმაც აღიარება მისი ნამუშევრების ხილვისთანავე მოიპოვა და საერთაშორისო ასპარეზიც მალევე დაიპყრო. ამჯერად, ზუკა ბერლინის ფოტოკვირეულის ფარგლებში გამართული 2021 წლის EyeEm-ის დაჯილდოების ცერემონიის ერთ-ერთ გამარჯვებულად მოგვევლინა.
მამაკაცი, მითი, ლეგენდა - კიანუ რივზს დიდი წარდგენა არ სჭირდება, ის გვიყვარს ყველას და რაც მთავარია უპირობოდ, არ აქვს მნიშვნელობა რამდენად დაბალრეიტინგულ ფილმში მიიღებს კიანუ მონაწილეობას, მას ჰეითერები არ ჰყავს, ამ მსახიობმა შეძლო და დედამიწის გარშემო მილიონობით ადამიანის გული არა მხოლოდ საშემსრულებლო მანერითა, მაღალი დონის სამსახიობო ნიჭით და უნაკლო ვიზუალით დაიპყრო, არამედ თავისი უბრალოების, ჰუმანურობისა და გულუხვობის წყალობით მოგვნუსხა.
ჩვენი, არა უფრო სწორი იქნება თუ ვიტყვით ჩვენი მშობლების ახალგაზრდობის წლების საკულტო შვედური პოპ ბენდი Abba 40-წლიანი პაუზის შემდეგ ახალი ალბომით და ვირტუალური კონცერტით ბრუნდება და პირადად ჩვენ არაფერი გვახსენდება ამაზე შთამბეჭდავი დაბრუნება მუსიკალურ ინდუსტრიაში.
