Antoinette Perry Award for Excellence in Theatre მოგვიანებით ცნობილი როგორც Tony Awards გასულ ღამეს, 75-ე დაჯილდოების ცერემონიით Radio City Music Hall-ში დაბრუნდა. ერთ-ერთი ყველაზე პოპულარული დაჯილდოების ცერემონია ამერიკის შეერთებულ შტატებში, რომელიც ყოველწლიურად გადაეცემა ამერიკული თეატრის სფეროში მიღწევებისთვის, მათ შორის მიუზიკლებისთვისაც, გასულ ღამეს ყურადღების ცენტრში მოექცა.
ამერიკულ თეატრში შეტანილი ღვაწლისთვის, Tony Awards-ის რიგით 75-ე დაჯილდოების ცერემონიაზე, ჯილდო 2020 წლის 20 თებერვლიდან - 2022 წლის 4 მაისის ჩათვლით წარმოებულ პროდუქტებზე გადაიცა. თუმცა, მანამ სანამ მაყურებელი ერთ-ერთ ყველაზე პოპულარულ ცერემონიას შეავლებდა თვალს, Radio City Music Hall-ის წითელ ხალიჩაზე შეკრებილი ცნობილი ადამიანების ელეგანტურობითა და გლამურით აივსო.
ცნობილი მსახიობები, მუსიკოსები თუ რეჟისორები ერთმანეთის მიყოლებით გამოჩნდნენ წითელ ხალიჩაზე. ჯესიკა ჩესტეინმა კიდევ ერთხელ გაიბრწყინა Gucci-ს ვარდისფერი კაბით ხალიჩაზე, არიანა დებოუზმა Boss-ის თვალისმომჭრელი შავი კაბით მოიწონა თავი, სინტია ერვინომ კი Giambattista Valli-ის მაღალი მოდის ელფერი შემატა წითელ ხალიჩას.
2022 წლის Tony Awards-ის ყველაზე გემოვნებიანად ჩაცმულ მამაკაცთა შორის გახლდათ ენდრიუ გარფილდი, რომელსა Tom Ford-ის ხავერდის შავი კოსტიუმი ამშვენებდა, ერთ-ერთი გამორჩეული ჩაცმულობა ეკუთვნოდა ჯერემი პოპსაც, რომელიც Louis Vuitton-ის თეთრი კოსტიუმით ვიხილეთ წითელ ხალიჩაზე.
დღეს, ჩვენი რედაქცია შემოდგომის ლუქების შთაგონებას გთავაზობთ. ტემპერატურის დაცემასთან ერთად, დროა, გარდამავალი სეზონის ლუქებზე ფიქრიც დავიწყოთ. სეზონის სტილის განუყოფელი ნაწილი კი კაბისა და ჩექმების მარტივი და ელეგანტური კომბინაციაა.
მოდის ისტორიაში არმანის სახელი განსაკუთრებულ ადგილს იკავებს. ის იმ დიზაინერთა შორისაა, რომლებმაც ეპოქის მიმართულება შეცვალეს. ჯორჯო არმანიმ მამაკაცის კოსტუმს ახალი სახე მისცა, ქალთა მოდაში კი თავდაჯერებული და ელეგანტური სტილი დაამკვიდრა. არმანის სახელი სამუდამოდ უკვდავყოფილია როგორც მოდის, ისე კულტურის ისტორიაში.
ანა ვინტურმა ამერიკული Vogue-ის სარედაქციო კონტენტის ახალი ხელმძღვანელი წარადგინა. ვინტური მოდის ყველაზე გავლენიან ჟურნალს არ ტოვებს, თუმცა ამერიკული გამოცემის საქმიანობას ამიერიდან 39 წლის ქლოე მალი გაუძღვება.
