ზენდაიას ახალი ლუქი Emmy Awards-ზე

14 სექტემბერს ლოს-ანჯელესის Peacock Theater-ში Emmy Awards-ის 78-ე ცერემონია გაიმართა. ზენდაია დრამატულ სერიალში საუკეთესო მსახიობი ქალის ჯილდოზე „Euphoria-ს“ ფინალურ სეზონში შესრულებული რუ ბენეტის როლისთვის იყო ნომინირებული.

ამ როლმა მსახიობს უკვე ორი ისტორიული გამარჯვება მოუტანა. 2020 წელს, 24 წლის ასაკში, ზენდაია ამ კატეგორიის ყველაზე ახალგაზრდა გამარჯვებული გახდა. 2022 წელს მან მეორე Emmy მიიღო და დრამატულ სერიალში საუკეთესო მსახიობი ქალის ჯილდოს ყველაზე ახალგაზრდა ორგზის მფლობელის სტატუსიც მოიპოვა.

Emmy Awards-ზე მსახიობს Prada-ს ვერცხლისფერი კაბა ეცვა, რომელიც მოდის სახლმა სპეციალურად ამ ღონისძიებისთვის შექმნა. ლუქს Mikimoto-ს მარგალიტისა და ბრილიანტის სამკაულები და Rolex-ის საათი ამშვენებდა. ზენდაიას სტილზე მისი მრავალწლიანი თანამშრომელი ლოუ როუჩმა იმუშავა. თუმცა განსაკუთრებული ყურადღება ზენდაიას ახალმა ვარცხნილობამ მიიქცია. 

1990-იანი წლების ესთეტიკა მსახიობის მაკიაჟშიც გაგრძელდა. ვიზაჟისტმა შთაგონება Prada-ს კაბის მოციმციმე კრისტალებიდან მიიღო. განსაკუთრებული ყურადღება ზენდაიას წვრილმა წარბებმა მიიქცია, რაც კიდევ ერთხელ მიანიშნებს, რომ ეს ტენდენცია სილამაზის ინდუსტრიაში ბრუნდება. 

საღამოს ზენდაიას ტომ ჰოლანდიც ახლდა. მას Dior-ის კლასიკური შავი კოსტიუმი ეცვა.