ტყუპები მერი-ქეითი და ეშლი ოლსენები დიდ ეკრანებზე ძალიან პატარა ასაკში გამოჩნდნენ და თავიანთი გონებამახვილობით, ნიჭიერებითა და ქარიზმით მაყურებელთა გულებიც დაიპყრეს. წლებთან ერთად მსახიობმა დებმა ახალ პროექტებშიც მიიღეს მონაწილეობა და საოცარი სისწრაფით მოახერხეს ბავშვური იმიჯის ჩამოშორება და საოცრად გემოვნებიან გოგოებად ქცევა.
ინდივიდუალური სტილის შესაშური შეგრძნებით, დები ოლსენები ათწლეულების განმავლოაბაში იმყოფებოდნენ ყურადღების ცენტრში. მერი-ქეითმა და ეშლიმ ნელ-ნელა უკლეს სამსახიობო როლებს და საბოლოოდ სრულად ჩამოშორდნენ მათ პირვანდელ პროფესიას. დებს დიდხანს არ უფიქრიათ რისი კეთება სურდათ მომავალში, ისინი მოდის სამყაროში გადაეშვნენ. 2006 წელს, სულ რაღაც 21 წლის ტყუპებმა ახალი ბრენდი The Row დააფუძნეს, მერი-ქეითმა და ეშლიმ თავიანთი დელიკატური გემოვნებისა და სტილის შეგრძნების წყალობით იმპერია შექმნეს და დღემდე მის სათავეში რჩებიან.
შესასძლოა მერი-ქეითი და ეშლი ოლსენები დიდი ეკრანებიდან გაქრნენ, თუმცა ისინი დღეს იმაზე წარმატებული და შემდგარი გოგოები არიან, ვიდრე ოდესმე ყოფილან. წარმოგიდგენთ, მუდმივად ყურადღების ცენტრში მყოფი, საკულტო ტყუპების საუკეთესო მოდურ მომენტებს.
დღეს, ჩვენი რედაქცია შემოდგომის ლუქების შთაგონებას გთავაზობთ. ტემპერატურის დაცემასთან ერთად, დროა, გარდამავალი სეზონის ლუქებზე ფიქრიც დავიწყოთ. სეზონის სტილის განუყოფელი ნაწილი კი კაბისა და ჩექმების მარტივი და ელეგანტური კომბინაციაა.
მოდის ისტორიაში არმანის სახელი განსაკუთრებულ ადგილს იკავებს. ის იმ დიზაინერთა შორისაა, რომლებმაც ეპოქის მიმართულება შეცვალეს. ჯორჯო არმანიმ მამაკაცის კოსტუმს ახალი სახე მისცა, ქალთა მოდაში კი თავდაჯერებული და ელეგანტური სტილი დაამკვიდრა. არმანის სახელი სამუდამოდ უკვდავყოფილია როგორც მოდის, ისე კულტურის ისტორიაში.
ანა ვინტურმა ამერიკული Vogue-ის სარედაქციო კონტენტის ახალი ხელმძღვანელი წარადგინა. ვინტური მოდის ყველაზე გავლენიან ჟურნალს არ ტოვებს, თუმცა ამერიკული გამოცემის საქმიანობას ამიერიდან 39 წლის ქლოე მალი გაუძღვება.
