BRIDAL COVER STORY: მარიამ დავითაძე ზაფხულის პატარძლის როლში
The Diary-ს Fashion ედიტორიალის მთავარი გმირი ინფლუენსერი და ბიზნესვუმენი, მარიამ დავითაძეა. მარიამი ერთი დღით ზაფხულის პატარძალი გახდა და Galogrea-ს ხუთი განსხვავებული ლუქი მოირგო.
აქსესუარები ჩვენი ჩაცმულობის განუყოფელი ნაწილია, მოდური ჩაცმულობისთვის სწორად შერჩეული სამკაული, ხელჩანთა თუ თავსაბურავი ყოველთვის საუკეთესო ტანდემს ქმნის. 2021 წლის ტრენდულ აქსესუარებს თუ გადავავლებთ თვალს, აქ ყველა გემოვნებისა და სტილის მქონეთათვის აღმოაჩენთ სასურველ ნივთს, თუმცა თქვენი დავალების გასამარტივებლად, წარმოგიდგენთ The Diary-ს რჩეულ 5 აქსესუარს, რომლითაც გვიან გაზაფხულსა და ზაფხულზე შეგიძლიათ მოიწონოთ თავი.
1. ტილოს თავსაბურავი
თავსაბურავები ერთ-ერთი ყველაზე პრაქტიკული და თვალშისაცემი აქსესუარია, რომელსაც ყველაზე უბრალო ლუქის გამორჩეულ ერთეულად ქცევის უნარი შესწევს. თუ კი გასული წლის ტრენდებს გადავავლებთ თვალს, აღმოვაჩენთ, რომ ამ დრომდე ყველაზე მოთხოვნად ნივთს აბრეშუმის თავსაბურავები წარმოადგენდნენ. მართალია, ისინი არსად წასულან, თუმცა მათ გვერდით ტილოს აქსესუარებიც გამოჩნდნენ, რომლებიც ნახვისთანავე იქცნენ ჩვენს ფავორიტებად.
Linen scarf
2. პანამა ქუდები
წარსულიდან ერთი მნიშვნელოვანი აქსესუარი დაგვიბრუნდა - პანამა ქუდები ახლა ისე მოთხოვნადია, როგორც არასდროს. ონლაინ საიტებსა და მაღაზიებში არა ერთი განსხვავებული ფერისა და სტილის ქუდი შეგიძლიათ შეარჩიოთ და მცხუნვარე მზისგან ეფექტურად და მოდურად დაიცვათ თავი.
Bucket hat with straps
3. დაწნული ჩანთები
დაწნულ ჩანთებს 2021 წლის მონაპოვარს ნამდვილად ვერ ვუწოდებთ, რადგან ის მოდის ტრენდებში ჯერ კიდევ გასულ წლებში გამოჩნდა, თუმცა ამ სტილის ელეგანტურობა და დახვეწილობა დღემდე იქცევს ყურადღებას და ჩვენს სიაშიც საპატიო ადგილს იკავებს.
Braided shopper bag
4. სათვალეები მეტალის ჩარჩოთი
სათვალეების ტრენდებში მრავალფეროვანი არჩევანია, 2021 წელს შეგვიძლია მოვირგოთ ყველაფერი, ფერადი ჩარჩოებით დაწყებული - 70-იანი წლების შთაგონებული აქსესუარით დამთავრებული, თუმცა ჩვენ რჩეულ სათვალეთა შორის მეტალის ჩარჩოს მქონეები მოხვდნენ. ეს მინიმალისტური სათვალე იმედს არასდროს გაგიცრუებთ და ის შეგიძლიათ ყველაფერ იდეალურად მოარგოთ.
Metallic frame sunglasses
5. სანდლები პლატფორმაზე
ფეხსაცმლის ტრენდებში მნიშვნელოვანი სიახლეები 2021 წელს ნამდვილად არ გვაქვს, თუმცა დახვეწილი სანდლები პლატფორმაზე უცილობლად ის ნივთია, რომელსაც ცხელ დღეებში კომფორტულად და მოდურად აუცილებლად მოვირგებთ.
Velcro strap sandal
არ გამოგრჩეთ
დუა ლიპა: საცურაო კოსტიუმების ტრენდსეტერი
პოპვარსკვლავი დუა ლიპა არა მხოლოდ მუსიკის, არამედ ზაფხულის მოდის ტრენდებსაც განსაზღვრავს. მისი სტილის განსაკუთრებული ნაწილი საცურაო კოსტიუმებია, რომლებიც უკვე დუას საზღვაო ლუქების განუყოფელ ელემენტად იქცა.
ქუჩის სტილის ინსპირაცია კოპენჰაგენის მოდის კვირეულიდან
ჩრდილოეთ ევროპული მოდის ყველაზე დიდი მოვლენა, კოპენჰაგენის მოდის კვირეული, ყოველწლიურად ამტკიცებს, რომ სკანდინავიელებმა ჩაცმა საუკეთესოდ იციან. ამას მოდის კვირეულისკენ მიმავალი დანიელების ქუჩის სტილიც მოწმობს.