ახალგაზრდა ქართველი მოდელი, ეთო მიგრიაული, კარიერული მწვერვალების დაპყრობას განაგრძობს და ამჯერად, იტალიური ბრენდის Gucci-ს სარეკლამო კამპანიაში გვევლინება. სიხალეს ეთოსა და Gucci-ს თანამშრომლობის შესახებ, მოდელის "დედა" სააგენტო Geomodels Agency ავრცელებს.
საქართველოში, ერთ-ერთი ყველაზე წარმატებული სააგენტოს წარმომადგენლებმა, საკუთარ Facebook გვერდზე ვიდეო გამოაქვეყნეს Gucci-ს ახალი სარეკლამო კამპანიიდან, რომელშიც ეთო მიგრიაული ერთმანეთის მიყოლებით ირგებს მოდის სახლის ფერად მოსაცმელს, ვარდისფერ თრენჩსა თუ Gucci-ს ინდივიდუალურ აქსესუარებს.
ახალგაზრდა მოდელის პორტფოლიოში, რომელიც ისეთ მოდის სახლებს აერთიანებს, როგორებიც: Valentino, Fendi, Emillio Pucci თუ David Koma არიან, დღეიდან Gucci-ს სახელიც საპატიო ადგილს დაიკავებს. შეგახსენებთ, რომ Gucci-სთან თანამშრომლობის პატივი ეთომდე თათია ახალიას, მატილდა გვარლიანს, მარიშა ურუშაძეს, ლიკა რიგვავასა და ანა გავასაც ერგოთ.
აღმოაჩინეთ Art House – სილამაზის სალონი, რომელიც უკვე 10 წელია თბილისში მაღალი ხარისხის მომსახურებას გვთავაზობს. თმის მოვლა, მაკიაჟი, მანიკიური, პედიკიური, მასაჟი და სამომავლოდ სასწავლო აკადემია – ყველაფერი ერთ სივრცეში.
The Diary-ს Fashion ედიტორიალის მთავარი გმირი ინფლუენსერი და ბიზნესვუმენი, მარიამ დავითაძეა. მარიამი ერთი დღით ზაფხულის პატარძალი გახდა და Galogrea-ს ხუთი განსხვავებული ლუქი მოირგო.
პოპვარსკვლავი დუა ლიპა არა მხოლოდ მუსიკის, არამედ ზაფხულის მოდის ტრენდებსაც განსაზღვრავს. მისი სტილის განსაკუთრებული ნაწილი საცურაო კოსტიუმებია, რომლებიც უკვე დუას საზღვაო ლუქების განუყოფელ ელემენტად იქცა.
