1950-იანი წლები, მოდის დედაქალაქის ყველაზე გლამურული ათწლეული, ეპოქა, რომელმაც Dior-ის, Givenchy-ის, Fath-ის, Balenciaga-სა და Balmain-ის ჯადოსნურ სამყაროში შეგვახედა და ლეგენდარული მოდის სახლების განუმეორებელი დიზაინერების ნამუშევრები დაგვიტოვა. ეს გახლდათ წლები, როდესაც პარიზული მოდა ბრწყინვალებით მწვერვალებს იპყრობდა და ერთი ნახვით აჯადოებდა მნახველს.
დღეს, გასული საუკუნის საოცნებო ათწლეულს მხოლოდ ფოტოებით შეგვიძლია შევავლოთ თვალი. ამ კუთხით კი, ამერიკელი მოდის ფოტოგრაფის ფოტოარქივი ნამდვილი საგანძურია. მარკ შოუს ფოტოკოლექცია ყველაზე გლამურული მოდური ჩვენებების კულისებს მიღმა ფოტოებს ინახავს, თვალწარმტაც ჩვენებებსა და გადაღებებს, რომლებიც ფოტოგრაფის პორტფოლიოში დღემდე საპატიო ადგილს იკავებენ.
ამერიკელმა ფოტოგრაფმა, მარკ შოუმ სახელი კენედის ოჯახის ფოტოებით გაითქვა. თუმცა, მარკი არანაკლებ მნიშვნელოვანი ფიგურა გახლდათ მოდის ფოტოგრაფიაში. მან ამ მიმართულებას ინოვაციური მეთოდები და ახალი ხედვები შემატა. შოუს ეკუთვნის ისეთი საკულტო ფოტოები, როგორებიცაა Chanel-ის სამოსში გამოწყობილი მოდელები, თავად კოკო შანელის ქუჩის ფოტოები, Balmain-ის, Dior-ისა და Givenchy-ის 1950-იანი წლების ჩვენების კულისებს მიღმა კადრები და სხვა.
ჩრდილოეთ ევროპული მოდის ყველაზე დიდი მოვლენა, კოპენჰაგენის მოდის კვირეული, ყოველწლიურად ამტკიცებს, რომ სკანდინავიელებმა ჩაცმა საუკეთესოდ იციან. ამას მოდის კვირეულისკენ მიმავალი დანიელების ქუჩის სტილიც მოწმობს.
როგორ იქცა The Row-ს Dune შლაპუნა სეზონის ყველაზე მოთხოვნილ მოდელად და რა გზით გახდა უბრალო საზაფხულო ფეხსაცმელი ფარული ფუფუნების სიმბოლო.
კოპენჰაგენის მოდის კვირეულზე შლაპუნებმა მაღალი მოდის სტატუსი მოიპოვეს. ნახეთ როგორ იქცა ეს მარტივი საზაფხულო ფეხსაცმელი სეზონის ყველაზე ტრენდულ აქსესუარად.
