ყველა დროის ყველაზე ეპიკური წიგნების სერიის „ბეჭდების მბრძანებლის“ ეკრანიზაციის გამოსვლიდან 21 წლის შემდეგ, სამყარო, Amazon Prime Video 2-ის დამსახურებით, მაღალბიუჯეტურ სატელევიზიო ადაპტაციას იხილავს, ახალი დეტალები კი სერიალის შესახებ ჩვენთვის უკვე ცნობილია.
Amazon Prime Video 2-მა ახალი შოუს სახელი გაგვიზიარა - The Rings of Power „ძალაუფლების ბეჭდები“; სწორედ ასე ერქმევა „ბეჭდების მბრძანებლის“ სექუელს, რომლის მიმართ მოლოდინი დღითიდღე იზრდება. საკაბელო ტელევიზიამ სერიალის პირველი თიზერიც წარმოგვიდგინა, რომელიც ძლევამოსილი ბეჭდების შექმნის გზას კიდევ ერთხელ გვაჩვენებს და დიდი დაბრუნებისთვის გვამზადებს.
როგორც ცნობილი გახდა, „ძალაუფლების ბეჭდების“ პრემიერა 2022 წლის 2 სექტემბერს გაიმართება. სერიალი, რომლის გადაღებებზეც რეკორდული 500 მილიონი დოლარი დაიხარჯა, საკულტო ფილმების სერიის მოვლენების პრეისტორიაა. მასში მოქმედება ჩვენთვის ცნობილ ამბებამდე ათასწლეულით ადრე ვითარება და ამ თავგადასავალში როგორც ჩვენთვის კარგად ნაცნობ და საყვარელ, ასევე საკმაოდ ბევრ ახალ პერსონაჟსაც შევხვდებით.
სერიალის გადაღებები ძირითადად ახალ ზელანდიაში მიმდინარეობდა. „ძალაუფლების ბეჭდებში“ მთავარ როლებს ემა ჰორვატი, რობერტ არამაიო, ჯოზეფ მოული, ოვეინ ართური, მორფიდ კლარკი და სხვები შეასრულებენ.
2026 წლის ნახევარი თითქმის გასრულდა და დიდ ეკრანებზე უკვე ვიხილეთ ისეთი ფილმები, როგორებიცაა The Devil Wears Prada 2 თუ Toy Story 5. ახლა კი, როდესაც წლის პირველი ნახევარი თითქმის დასრულდა, გადავხედოთ იმ ყველაზე მნიშვნელოვან კინოპრემიერებს, რომლებიც 2027 წლამდე გველოდება.
11-12 ივლისს კიკეთის ფერმა „მუსიკალურ დღეებს“ უმასპინძლებს. ცოცხალი მუსიკის, ბუნების, გემრიელი კერძებისა და გასართობი აქტივობების წყალობით, ფესტივალი საუკეთესო მიზეზია, უქმე დღეები კიკეთის ფერმის სიმწვანეში გავატაროთ.
Global Tech Weekend Tbilisi 2026-ის ფარგლებში TheDiary Concept House დახურულ ღონისძიებას უმასპინძლებს, სადაც Dolce & Gabbana Beauty-ის, La Martina-სა და Gucci-ის პროფესიონალები მოდის, მარკეტინგისა და ტექნოლოგიების მომავალზე ისაუბრებენ.
