19-21 ივნისს თბილისში Global Tech Weekend ბრუნდება. მეორე წელია, რაც ამ მასშტაბური ტექნოლოგიური და კულტურული დღეების მედია პარტნიორი TheDiary გახლავთ. ამ სეზონზე კი, პარტნიორობა ახალ ეტაპზე გადადის.
TheDiary, StartUp Büro-სთან თანამშრომლობით, ექსკლუზიურ შეხვედრას (PechaKucha Night Tbilisi Vol.24) 19 ივნისს, 15:00 საათზე, TheDiary Concept House-ში უმასპინძლებს.
შეხვედრა მოდის, მარკეტინგისა და ტექნოლოგიების სფეროში მომუშავე პროფესიონალებს, კრეატორებს, ინოვატორებსა და მედიის წარმომადგენლებს გააერთიანებს.
PechaKucha-ს ფორმატი ამბის თხრობის იაპონური ხელოვნებაა, სადაც სპიკერებს მთელი თავიანთი კარიერული გზის მხოლოდ 6 წუთში წარმოსაჩენად 20 სლაიდი და თითოეულზე 20 წამი აქვთ გამოყოფილი. ღონისძიების სპიკერები კი საერთაშორისო მოდისა და ბიზნესის სფეროს წარმომადგენლები იქნებიან.
 |
|
მათ შორისაა მარკო ტომბოლინი, Dolce & Gabbana Beauty-ის ბიზნეს ანალიზის გლობალური ხელმძღვანელი, რომელიც ისაუბრებს მონაცემთა ანალიზისა და სტრატეგიული დაგეგმვის მნიშვნელობაზე სილამაზისა და მაღალი მოდის ინდუსტრიაში.
 |
|
საკუთარ გამოცდილებას გააზიარებს ენრიკო ფანტაგუციც, Digital Fashion Academy-ის დამფუძნებელი და Gucci-ის ყოფილი E-Business Design ხელმძღვანელი. მისი გამოსვლა ციფრული კომერციის განვითარებასა და ისეთი ბრენდების გამოცდილებას დაეთმობა, როგორებიცაა Gucci, Woolrich და Twinset.
 |
|
სპიკერებს შორის იქნება ენრიკო როსელიც, La Martina-ს გენერალური დირექტორი, რომელიც გლობალური ბრენდების მართვის თანამედროვე გამოწვევებსა და ციფრულ ეპოქაში ბრენდინგის ცვლილებებზე ისაუბრებს.
დღეს ტექნოლოგიები და ხელოვნური ინტელექტი მხოლოდ ტექნიკური ინსტრუმენტები აღარ არის. ისინი მნიშვნელოვან გავლენას ახდენენ ბიზნესზე, მედიაზე, მომხმარებლის ქცევასა და კულტურაზე. სწორედ ამიტომ, შეხვედრის მონაწილეები უშუალოდ ინდუსტრიის ლიდერებისგან მოისმენენ, როგორ იყენებენ საერთაშორისო კომპანიები AI-სა და ციფრულ ინსტრუმენტებს მომხმარებელთან უფრო ეფექტური კავშირის დასამყარებლად.
ღონისძიება დახურული ფორმატის იქნება და დასწრების შესაძლებლობა შეზღუდულია. შეხვედრის ერთ-ერთი მთავარი ნაწილი კი ნეთვორქინგს დაეთმობა, რაც მონაწილეებს საერთაშორისო პროფესიონალებთან კავშირების დამყარების შესაძლებლობას მისცემს.
ღონისძიების ბილეთის შეძენა შეგიძლიათ ამ ბმულზე. TheDiary x StartUp Büro-ს შეხვედრა შესაძლებლობაა, გახდეთ იმ დისკუსიის ნაწილი, რომელიც მოდის ინდუსტრიის მომავალს განსაზღვრავს.
კანიე უესტის კონცერტი პროექტის Starring Georgia ფარგლებში, 12 ივნისს „დინამო არენაზე“ გაიმართება. მაშინ, როცა თბილისში კანიეს კონცერტი ოფიციალურად დაანონსდა, არტისტის შოუებს ევროპის ქვეყნები რიგ-რიგობით აუქმებენ.
თბილისში მოდის სფეროს მთავარი მოვლენა - Mercedes-Benz Fashion Week ბრუნდება. Factory Tbilisi-ს ინდუსტრიულ სივრცეში თავმოყრილი კრეატიული ენერგია წელს განსაკუთრებულ მასშტაბებს შეიძენს.
შვედი არტისტი ჯეი-ჯეი იოჰანსონი თბილისს უბრუნდება, ამჯერად საქართველოს ეროვნული სიმფონიური ორკესტრისა და ანსამბლ „შავნაბადას“ თანხლებით. ნიკოლოზ რაჭველის დირიჟორობით, იოჰანსონის ნაცნობი მელოდიები სრულიად ახალ ჟღერადობას მიიღებს.
