2026 წლის ACTOR AWARDS: გამარჯვებულები და მნიშვნელოვანი მომენტები

ლოს-ანჯელესში, Shrine Auditorium-ში ყოფილი SAG და ამჟამინდელი Actor Awards-ის რიგით 32-ე დაჯილდოება გაიმართა. მსახიობ კრისტენ ბელის მიერ წაყვანილი წლევანდელი ცერემონია მოულოდნელი შედეგებით დასრულდა, რამაც მოახლოებული ოსკარის პროგნოზებიც შეცვალა.

საღამოს მთავარი სიურპრიზი ფილმის Sinners ტრიუმფი გახდა. მიუხედავად იმისა, რომ კინო დაჯილდოებების სეზონის განმავლობაში ლიდერობას One Battle After Another ინარჩუნებდა, Actor Awards-ის მთავარი ჯილდო საუკეთესო სამსახიობო გუნდისთვის სწორედ Sinners-მა მოიპოვა. ვინაიდან სამსახიობო გილდიის რჩეული ხშირად „ოსკარის“ მთავარი ფავორიტი ხდება, ამ გამარჯვებამ რაიან კუგლერის ნამუშევარს წლის საუკეთესო ფილმის ტიტულისკენ გზა გაუხსნა.

სწორედ Sinners-ში შესრულებული როლისთვის მიიღო მაიკლ ბ. ჯორდანმა კარიერაში ერთ-ერთი ყველაზე მნიშვნელოვანი ჯილდო. მსახიობმა პრიზი მამაკაცის როლის საუკეთესო შესრულებისთვის დაიმსახურა. ჯორდანთან ერთად ამ ნომინაციაში ტიმოთი შალამე და ლეონარდო დიკაპრიო იყვნენ წარდგენილები.

ცერემონიის ერთ-ერთი ყველაზე ემოციური ნაწილი იანვარში გარდაცვლილი კეტრინ ო’ჰარას დაჯილდოება იყო. მან პრიზი სერიალში The Studio შესრულებული როლისთვის მიიღო. ჯილდო მისმა კოლეგამ, სეთ როგანმა ჩაიბარა და მსახიობის პროფესიონალიზმსა და პიროვნულ თვისებებზე ისაუბრა.

განსაკუთრებული ოვაციებით შეხვდა დარბაზი 64 წლის მაიკლ ჯეი ფოქსსაც. მსახიობი დიდი ხანია კინო დაჯილდოებებზე არ გამოჩენილა, რადგან წლებია პარკინსონის დაავადებას ებრძვის. თავის გამოსვლაში მან კარიერის საწყის ეტაპსა და ოჯახზე ისაუბრა.

კინემატოგრაფში შეტანილი განსაკუთრებული წვლილისთვის კი (Life Achievement Award) ჰარისონ ფორდი დაჯილდოვდა. 83 წლის მსახიობმა მისთვის დამახასიათებელი იუმორით აღნიშნა, რომ ეს პრიზი კარიერის შუა ეტაპზე მიღებული აღიარებაა.

აქ უამრავი მსახიობია, რომლებიც პრიზს საუკეთესო როლებისთვის ელოდებიან, მე კი ჯილდოს იმისთვის მაძლევენ, რომ უბრალოდ ცოცხალი ვარ, – ფორდი.

ფორდმა ყურადღება გაამახვილა მსახიობის პროფესიის მნიშვნელობაზე და აღნიშნა, რომ მათ აქვთ პრივილეგია იმუშაონ ფანტაზიის სამყაროში, სადაც ხან კომედიას ქმნიან, ხან კი – ხელოვნებას.

2026 წლის Actor Awards-ი რჩება იმ კინო დაჯილდოებად, რომელიც ინდუსტრიაში გამოცდილებასა და ახალ ხედვას თანაბრად აფასებს. საღამოს შედეგებმა კი კიდევ უფრო გაამძაფრა „ოსკარის“ მოლოდინი, რომელიც 16 მარტსაა ჩანიშნული.

გამარჯვებულები წამყვან კატეგორიებში:

საუკეთესო სამსახიობო ქასთი მხატვრულ ფილმში

• Sinners (Warner Bros)

მამაკაცის როლის საუკეთესო შესრულება მთავარ როლში 

• Michael B. Jordan, Sinners

ქალის როლის საუკეთესო შესრულება მთავარ როლში 

• Jessie Buckley, Hamnet

ქალის როლის საუკეთესო შესრულება მეორეხარისხოვან როლში 

• Amy Madigan, Weapons

მამაკაცის როლის საუკეთესო შესრულება მეორეხარისხოვან როლში 

• Sean Penn, One Battle After Another

საუკეთესო სამსახიობო ქასთი დრამატულ სერიალში 

• The Pitt (HBO Max)

მამაკაცის როლის საუკეთესო შესრულება სატელევიზიო ფილმში ან მინისერიალში 

• Owen Cooper, Adolescence

საუკეთესო სამსახიობო ქასთი კომედიურ სერიალში 

• The Studio (Apple TV)

მამაკაცის როლის საუკეთესო შესრულება დრამატულ სერიალში 

• Noah Wyle, The Pitt

ქალის როლის საუკეთესო შესრულება კომედიურ სერიალში 

• Catherine O’Hara, The Studio

ქალის როლის საუკეთესო შესრულება სატელევიზიო ფილმში ან მინისერიალში 

• Michelle Williams, Dying For Sex

მამაკაცის როლის საუკეთესო შესრულება კომედიურ სერიალში 

• Seth Rogen, The Studio

ქალის როლის საუკეთესო შესრულება დრამატულ სერიალში 

• Keri Russell, The Diplomat

საუკეთესო Stunt Double ქასთი ტელესერიალში 

• The Last of Us (HBO)

საუკეთესო Stunt Double ქასთი მხატვრულ ფილმში

• Mission: Impossible – The Final Reckoning (Paramount)

SAG-AFTRA-ს საპატიო ჯილდო კინემატოგრაფიაში შეტანილი განსაკუთრებული წვლილისთვის

• Harrison Ford