ილია თოფურია VS ჯასტინ გეიჯი: ისტორიული ბრძოლა თეთრ სახლში
ილია თოფურია და ჯასტინ გეიჯი UFC Freedom 250-ის მთავარ ბრძოლაში შეხვდებიან ერთმანეთს. ისტორიული ღონისძიება თეთრ სახლში გაიმართება და მსუბუქი წონის ჩემპიონის ვინაობას გაარკვევს.
ლუქს ხშირად განწყობის მიხედვით ვირჩევთ, კანის მოვლის რუტინას კი დღის გეგმებს ვუსადაგებთ. ამ ფონზე უცნაურიც არის, რომ იმ ერთი, „განუმეორებელი“ სუნამოს ძიებას ხშირად წლებსაც კი ვანდომებთ. სინამდვილეში კი სრულიად ბუნებრივია, რომ ადამიანი მუდმივად ერთი და იმავე სურნელის ხასიათზე ვერ იქნება. სურნელების ლეიერინგი სწორედ ამ რეალობიდან გამომდინარეობს და დღეს მას მსოფლიოს წამყვანი პარფიუმერები აქტიურად განიხილავენ.
ლეიერინგი, ანუ სხვადასხვა სურნელის თანმიმდევრული დატანა, საშუალებას გვაძლევს, ყოველდღიურად ის არომატი შევარჩიოთ, რომელიც ჩვენს განწყობას ყველაზე მეტად შეესაბამება. ამ ტექნიკით უნიკალური სურნელი კანისა და თმის მისტების, ლოსიონებისა და ზეთების შეხამებით იქმნება. მისი სათავე შუა აღმოსავლეთშია, სადაც სურნელების შერწყმა დიდი ხანია ტრადიციის ნაწილია. დღეს კი ლეიერინგი ერთ-ერთი საუკეთესო საშუალებაა განსხვავებული და პირადი სურნელის შესაქმნელად.
ესპანურ ბრენდ „ეკვივალენცასთან“ ერთად, ჩვენი რედაქცია ლეიერინგისთვის შერჩეულ საუკეთესო პროდუქტებს გთავაზობთ, რომელთა კომბინაციებს უნიკალური სურნელის შექმნა შეუძლია.
შხაპის გელი
ლეიერინგის რიტუალი აბაზანაში შხაპის გელით იწყება, რომელსაც სხეულის ლოსიონი მოჰყვება. ეს სხვა სურნელებისთვის იდეალურ ბაზას ქმნის. შემდეგ, მეტი დატენიანებისა და ბზინვარებისთვის, სხეულის მისტს ვამატებთ, სრულად გამშრალ თმაზე კი თმის მისტს ვისხამთ. საბოლოოდ, ამ რიტუალს სუნამო ასრულებს.
 |
|
სხეულის ლოსიონი
Equivalenza-ს ლოსიონები ჰაეროვანი და ნაზია, თუმცა ინტენსივობითა და მდგრადობით მაინც გამოირჩევა. ლოსიონი ერთდროულად კანის ჰიდრატაციასა და სურნელზე ზრუნავს.
 |
|
 |
|
ტანის მისტი
ტანის მისტების არჩევანი დღეს იმაზე მეტია, ვიდრე ოდესმე. თანაც, თუ ადრე მისტს მხოლოდ სასიამოვნო სურნელისთვის ვიყენებდით, ახლა იგი კანის მოვლის ინგრედიენტებითაა გაჯერებული. მაგალითად, Irresistible Praline ნამდვილი აღმოჩენაა მათთვის, ვისაც ტკბილი და დახვეწილი ნოტები იზიდავს, მისი ფორმულა გამდიდრებულია ალოე ვერათი და გვირილით, რაც კანს იდეალურად არბილებს.
 |
|
ხოლო მათთვის, ვისაც ყვავილოვანი და ნაზი არომატი ურჩევნია, Cherry Blossom საუკეთესო არჩევანია. ალუბლის ყვავილის, ფრეზიასა და შროშანის ჰარმონიული სინთეზი კანს სირბილეს ანიჭებს. ალოე ვერასა და გვირილის ექსტრაქტებით გაჯერებული ეს მისტი კანზე ტოვებს ხავერდოვან შეგრძნებას, რაც ლეიერინგის განუყოფელ ნაწილად აქცევს.
 |
|
თმის მისტი
ჩვენ გირჩევთ, რომ თმის მისტი თქვენი სურნელოვანი გარდერობის განუყრელ ნაწილად აქციოთ. არ არსებობს იმაზე დიდი კომპლიმენტი, როცა ვინმეს ეხუტებით და ის გეუბნებათ: „საოცარი სურნელი გაქვს“, თმის სუნამო სწორედ ამ ეფექტს ქმნის, რადგან სურნელი თმაზე უფრო ნარჩუნდება, ვიდრე კანზე.
თმის მისტი ჩვეულებრივი სუნამოებისგან იმით განსხვავდება, რომ ის დამატენიანებელ ინგრედიენტებს შეიცავს, რაც თმას სირბილესა და მბზინვარებას სძენს. მაგალითად, Equivalenza-ს თმის მისტები გამდიდრებულია მცენარეული კერატინითა და პროტეინით, რაც უზრუნველყოფს სურნელის ფიქსაციას ისე, რომ თმა არ გამოშრეს ან არ დამძიმდეს.
ერთ-ერთი ფავორიტია Cachemire-ი, რომელსაც მომაჯადოებელი სურნელი აქვს.
 |
|
სუნამო
რა თქმა უნდა, როდესაც პარფიუმერიაზე ვსაუბრობთ, პირველად სწორედ სუნამო გვახსენდება. უფრო მდგრადი და ინტენსიური არომატისთვის სწორედ სუნამოა ის ბოლო შტრიხი, რომელსაც სახლიდან გასვლის წინ ვიპკურებთ. მისი არჩევანი მთლიანად თქვენს გემოვნებასა და დღის გეგმებზეა დამოკიდებული.
თუ დღის სურნელს ეძებთ, Soleil Exotique-ი ნამდვილი ეგზოტიკური აფეთქებაა. ატმის, ჟოლოსა და მსხლის ნოტები შროშანის ყვავილოვან სურნელთან ერთიანდება, ვანილის ბაზა კი მას მდგრადობას სძენს. ხოლო მათთვის, ვისაც უფრო ცოცხალი და დახვეწილი არომატები იზიდავს, Citrus Vert-ია საუკეთესოა, რომლის სურნელი კანზე დიდხანს რჩება.
საღამოსთვის ან განსაკუთრებული შეხვედრებისთვის, შეგიძლიათ არჩევანი უფრო ინტენსიურ არომატებზე შეაჩეროთ, როგორიცაა პიკანტური Cardamome Splendide-ი ან Encens Royal-ი.
 |
|
Baroque Reverence დახვეწილობის სიმბოლოა. ციტრუსისა და ალუბლის შეხამება მის ფემინურ ხასიათს კიდევ უფრო გამოკვეთს. მამაკაცებისთვის კი გამორჩეული არჩევანია Unlimited Ambition, მანდარინის, ირისისა და ლეღვის ფოთლის ნოტებით. ტყავის ბაზა მას მკაცრ, დახვეწილ და მასკულინურ ხასიათს სძენს.
 |
|
 |
|
პარსვის შემდგომი კრემი
მამაკაცის ლეიერინგის რუტინაში განსაკუთრებული ადგილი გაპარსვის შემდგომ ეტაპს უჭირავს. Equivalenza-ს არომატიზებული კრემების ხავერდოვანი ტექსტურა, რომელიც გამდიდრებულია ალოე ვერას ექსტრაქტითა და A და E ვიტამინებით, კანს აგრილებს და აწყნარებს. ეს ფორმულა გაპარსვის პროცესს მაქსიმალურად კომფორტულს ხდის და კანზე დახვეწილ, მასკულინურ სურნელს ტოვებს, რაც ლეიერინგის იდეალური დასაწყისია.
 |
|
 |
|
დეოდორანტი
Equivalenza-ს დეოდორანტები სასიამოვნო სურნელთან ერთად, უპირველესად, ალუმინისგან თავისუფალი ფორმულით გამოირჩევა. ტრადიციული ანტიპერსპირანტებისგან განსხვავებით, ეს პროდუქტები ფორებს აგრესიულად არ ბლოკავს და კანის ბუნებრივ ბალანსს იცავს. რადგან პროდუქცია პარფიუმერიის ექსპერტების მიერ არის შექმნილი, ის დახვეწილ და მაღალი ხარისხის არომატს გვთავაზობს, რომელიც უსიამოვნო სუნს ეფექტურად ანეიტრალებს, მძიმე ქიმიური მინარევების გარეშე.
 |
|
 |
|
არ გამოგრჩეთ
შეი მიტჩელიდან ჯესიკა სიმპსონამდე: ქართული ბრენდი BIZU ჰოლივუდის ვარსკვლავების ყურადღების ცენტრში
ქართული სამკაულების ბრენდი BIZU უკვე ამერიკულ ბაზარზეა წარმოდგენილი და ჰოლივუდის ვარსკვლავების ყურადღებაც მიიპყრო. შეი მიტჩელი, ჯესიკა სიმპსონი და ჰეილი კიოკო იმ ცნობილ ადამიანებს შორის არიან, რომლებმაც ბრენდის გამორჩეული სამკაულები მოირგეს.
FORMULA 1-ის ახალი WAG: კიმ კარდაშიანი
რეალითი შოუს ვარსკვლავი და ბიზნესმენი კიმ კარდაშიანი მონაკოს გრან-პრიზე გამოჩნდა, სადაც Ferrari-ის პილოტსა და მის ახალ შეყვარებულს, ლუის ჰემილტონს გულშემატკივრობდა.