ჰოლივუდის უცხოური პრესის ასოციაციამ გადაწყვეტილება მიიღო, „ოქროს გლობუსის“ რიგით 79-ე დაჯილდოების ცერემონია პომპეზურობის გარეშე ჩაივლის. ერთ-ერთი ყველაზე მნიშვნელოვანი კულტურული ღონისძიების ლოკაცია უცვლელია, ის კვლავინდებურად ლოს-ანჯელესში, Beverly Hilton Hotel-ში გაიმართება, თუმცა ის ამჯერად არც ტელევიზიით გადაიცემა პირდაპირ ეთერში და მეტიც, „ოქროს გლობუსი“ მაყურებლებისა და წითელი ხალიჩის გარეშეც ჩაივლის.

2022 წელი იმაზე დამაინტრიგებლად დაიწყო, ვიდრე წარმოგვედგინა. სატელევიზიო სივრცეში ერთ-ერთი ყველაზე პოპულარული სერიალის უკანასკნელი სერიის გამოსვლიდან მთელი ათწლეულის შემდეგ გაჩნდა ლოგიკური კითხვა: „სასოწარკვეთილი დიასახლისები“ ეკრანებზე ბრუნებიან?

ინგმარ ბერგმანის მინისერიალი სახელწოდებით Scenes From a Marriage 1973 წელს გამოვიდა და არნახული პოპულარობა მოიპოვა, კინოკრიტიკოსების მაღალი შეფასებების მიუხედავად, სერიალს კრიტიკოსები სხვა სფეროში გამოუჩნდნენ და ფრანგი რეჟისორი და მისი ტელესერიალი განქორწინების მაჩვენებლის მკვეთრ მატებაში დაადანაშაულეს.

მე-20 საუკუნის განუმეორებელი ვარსკვლავი, რომელიც ისე შეიჭრა მაყურებლის ქვეცნობიერში, როგორც სხვა ვერავინ, ერთ დღესაც მოულოდნელად გადადგა თანამდებობიდან და ერთ-ერთ ფილმში წარმოთქმული ფრაზა: "მე მინდა ვიყო მარტო", თითქოს პირად იმიჯად იქცია.

ინფორმაციული, მხიარული, კარგად დაწერილი, ასევე კარგად შესრულებული და ცხადზე ცხადი გზავნილი საზოგადოებას, დღეს ადამ მაკეის ახალი ეკრანიზაციის Don’t Look Up-ის შესახებ მოგიყვებით.

მოდით ვაღიაროთ, 2021 წელი კინემატოგრაფიულად მდიდარი წელი იყო, რომელმაც არა ერთი დაუვიწყარი ფილმი და სერიალი შემოგვთავაზა. თვეობით გადადებული პრემიერების ფონზე, ყველაზე დიდი მოლოდინის მქონე ფილმებმა თავი 2021 წელს მიიყარეს და ჩვენი აღფრთოვანება ყოველ ჯერზე მოახერხეს, რაც შეეხება სერიალებს, არც კი ვიცით საიდან დავიწყოთ საუბარი, ქეით უინსლეტის HBO-ს ახალ შოუში გამოჩენით, ნიკოლ კიდმანის ბრწყინვალე შესრულებით Nine Perfect Strangers-ში თუ Maid-ის სულისშემძვრელი ისტორიით.

კოლოსალური ბიუჯეტით, ბრწყინვალე სამსახიობო და შემოქმედებითი გუნდით Dune-ის წარმატება თავიდანვე გარანტირებული იყო, თუმცა ეს არ არის ერთადერთი საბაბი იმისა, რომ ერთ-ერთი გამორჩეული სამეცნიერო ფანტასტიკა კინოაკადემიის ჯილდოს მთავარ პრეტენდენტად მოიაზრება, Dune-ს დაუვიწყარს მისი ემოციური სიღრმე ხდის და ეს მარტივი მისაღწევი ნამდვილად არ არის.

სტივენ სპილბერგის West Side Story რეჟისორის თავში დაიბადა, თუმცა არა უახლოეს წარსულში, ლეგენდარული მიუზიკლის ეკრანზე გადმოტანა სტივენმა ჯერ კიდევ მაშინ დაიწყო, როდესაც ფენიქსში, 1950-იან წლებში პატარა სპილბერგს მხოლოდ მიუზიკლის საუნდტრეკი ესმოდა და ცდილობდა ცეკვის ყოველი მოძრაობა გონებაში გაეცოცხლებინა.

„ოსკარზე“ საერთაშორისო სრულმეტრაჟიანი ფილმის ნომინაციაზე, საქართველოს სახელით წარდგენილი „მეოთხე ბრაიტონი“ ყველაზე დიდ დაჯილდოებამდე დიდების მოხვეჭას განაგრძობს და არა ერთი პრესტიჟული ჯილდოს მოპოვების შემდეგ საუდის არაბეთის წითელი ზღვის კინოფესტივალის პრიზის მფლობელადაც გვევლინება.

კრისტენ სტიუარტი, ტიმოთი სპოლი და ჯეკ ნილენი რეჟისორ პაბლო ლარაინის ახალ ეკრანიზაციაში ერთიანდებიან და კიდევ ერთხელ ცდილობენ, მე-20 საუკუნის ხალხის რჩეული პრინცესას - დიანას პორტრეტი ახლებური ხედვით წარმოგვიდგინონ. კრისტენის ლედი დი უნიკალურია, ვერაფრით მიამსგავსებთ აქამდე ნანახსა და გაგონილს, ნარატივი დამაინტრიგებელია, დამნაშავე კი ხან არავინ, ხან კი ყველაა.