ტრენდებს თუ გადავავლებთ თვალს, თამამად შეგვიძლია ვთქვათ, რომ ფემინურობა კვლავ მოდაშია. დიზაინერები კოლექციებში ისევ დაუბრუნდნენ ქალურ სილუეტებს, კლასიკურ აქსესუარებს, ელეგანტურ კაბებსა თუ ბეწვის ქურთუკებს. თუმცა, დახვეწილობასთან ერთად, დიზაინერები ეთიკურ წარმოებასაც დიდ მნიშვნელობას ანიჭებენ. ამ ორი დეტალის კომბინაციით კი, ვიღებთ ისეთ ტრენდს, როგორიცაა ხელოვნური ბეწვის მოსაცმელი. ალბათ თქვენთვის უცხო არ არის ტერმინი quiet luxury, სწორედ ეს ტრენდია ზამთრის სეზონის კოლექციებში დიზაინერების საყვარელი თემა.
ხელოვნური ბეწვმა ტრადიციულ ბეწვზე იმარჯვა - მისაღები ფასითა და ამავდროულად ასეთი სამოსის წარმოება თავისუფალია ცხოველების მიმართ სასტიკი მოპყრობისგან. რა წამს ხელოვნური ბეწვით შეიმოსეთ, ზუსტად იცით, რომ არცერთი ცხოველი არ მოკლულა ტრენდისა და თქვენი სხეულის სითბოში შენარჩუნების გამო.
დახვეწილ ფერთა პალიტრას ირჩევთ თუ თამამ ფერებსა - მასიური წარმოების იქნება ეს, თუ მაღალი მოდის ბრენდები, თქვენი სურვილისამებრ სხვადასხვა სიგრძის, ფერისა და პატერნის ბეწვის მოსაცმელების შერჩევას მარტივად შეძლებთ. მაღაზიებში ხელოვნური ბეწვის ქურთუკების ფართო არჩევანია.
A-list-ერებისა და ქუჩის სტილის რჩეული სამოსი, ზამთრის ყველაზე საბაზისო სამოსსაც კი დახვეწილად აქცევს. ამ შემთხვევაში, როგორც იტყვიან: რაც უფრო დიდია, მით უკეთესი. დუა ლიპა სწორედ ასეთი, ხელოვნური ბეწვის ქურთუკით ვიხილეთ.
ამ სეზონის ყველაზე გაყიდვადი ხელოვნური ბეწვის ქურთუკი კი Zara-ს მიერ შემოთავაზებულია, რომელიც 2 ფერშია წარმოდგენილი. გაგიჭირდებათ მისი პოვნა თბილისის მაღაზიებში, თუმცა ამ დრომდე ხელმისაწვდომია ონლაინ.
ის, რომ ხელოვნურ ბეწვს ნებისმიერ ლუქი შეუძლია გაახალისოს და გაამდიდროს, ამაზე უკვე ვისაუბრეთ და სწორედ ამას ამტკიცებს ჯენიფერ ლოპესიც. მომღერალმა ხელოვნური ბეწვის ქურთუკი baggy ჯინსებსა და Timberland-ის ფეხსაცმელს შეუხამა.
იტალიური ფილერების ხაზი Stylema იმ იშვიათ პროდუქტებს შორისაა, რომლებიც საქართველოში MDR სერტიფიკატით გამოიყენება. იგი სრულად აკმაყოფილებს ევროკავშირის უსაფრთხოების და ხარისხის უმაღლეს სტანდარტებს. Stylema-ს ექსკლუზიური დისტრიბუტორია კომპანია „სკინოთეკა“.
2025 წლის Met Gala-ზე შავკანიანთა მოდის ისტორიისა და თანამედროვე სტილის სინთეზურ აფეთქებას მოველით. დრესკოდი Tailored for You კონცეფციაა. მასპინძლები კი, ანა ვინტურთან ერთად კოლმენ დომინგო, ლუის ჰამილტონი, A$AP Rocky და ფარელ უილიამსი არიან.
პედრო პასკალი სტილის ახალ სიმბოლოდ იქცა — თამამი არჩევანითა და უნიკალური ვიზუალური ხელწერით მსახიობმა თანამედროვე მოდაში საკუთარი სახელი დაამკვიდრა. მსოფლიოს ახალი Fashion Daddy ჰყავს!
