სიყვარულის წერილი იტალიას შანელისგან
შანელის 2025/26 წლის კრუიზის კოლექცია კომოს ტბის ფონზე, იტალიურ ვილაში წარადგინეს. შოუზე ვიხილეთ შანელის შავ-თეთრ ფერებში გამოწყობილი ქართველი მოდელებიც - მატილდა გვარლიანი და ნასტასია ლეგრან-ბაბლუანი.
Balenciaga-ს 2025 წლის გაზაფხულის კოლექციის ჩვენება შანხაის ხელოვნების მუზეუმში წვიმიანი ცის ქვეშ გაიმართა. წვიმამ თითქოს ბრენდს ის სკანდალი ჩამორეცხა, რომელშიც ესპანური მოდის სახლი 2022 და 2023 წლებში გაეხვა. ორივე სკანდალი ბავშვებთან დაკავშირებულ თემას ეხებოდა.
წვიმას ესპანური მოდის სახლი მომზადებული დახვდა. შავი ქოლგების ლეგიონი იცავდა დამსწრე საზოგადოებას, რომელთ შორის ფრანგ მსახიობს, სოფი მარსოსაც იხილავდით. დემნას გააჩნია უნიკალური ნიჭი; სწორედ ასე, უამინდობის ჟამს, მან კიბერპანკის ჟანრის ჩვენება გამართა.
Balenciaga-ს 2025 წლის გაზაფხულის კოლექციის ჩვენება მონოქრომული სამოსით დაიწყო. დემნას დიზაინს დიდი ხანია ერთი და უნიკალური ხაზი გასდევს და არც ამ ჯერად უღალატა მას ქართველმა დიზაინერმა. მასიური სამოსი, მონოქრომული და შავი ნაჭრები - ყოველი მისი კოლექცია თბილისს მაგონებს - მინიმალისტურს და ამავდროულად მასიურს, მონოქრომულს და ამავდროულად მაქსიმალურად მყვირალას.
დაათვალიერეთ ბრენდის უახლესი კოლექცია პირდაპირ შანხაიდან და თავად შეაფასეთ:
საინტერესოა, რომ დიზაინერმა ჩვენებისას ფეხსაცმლის ყუთი აქსესუარად გამოიყენა.
კოლექციის ერთ-ერთი გამორჩეული ლუქი ვარდისფერი კაბაა, რომელიც ერთჯერადი ვარდისფერი პლასტიკური პარკისგანაა დამზადებული. ეს სამოსი კრისტობალ ბალენსიაგას 1965-1966 წლის შემოდგომა/ზამთრის ვარდისფერ კაბას მახსენებს, რომელიც სირაქლემას ბუმბულით იყო შექმნილი.
დემნამ სუპერ წაგრძელებული ლუქები, შანხაის ცათამბჯენებით შთაგონებულმა შექმნა, თითქოს ყველა მოდელი ძალიან მაღალი ჩანდა, განსაკუთრებით კი მაშინ, როდესაც ისინი შთამბეჭდავად სქელი პლატფორმებით გამოდიოდნენ.
არ გამოგრჩეთ
STYLEMA - ბუნებრივი სილამაზის იტალიური ფორმულა
იტალიური ფილერების ხაზი Stylema იმ იშვიათ პროდუქტებს შორისაა, რომლებიც საქართველოში MDR სერტიფიკატით გამოიყენება. იგი სრულად აკმაყოფილებს ევროკავშირის უსაფრთხოების და ხარისხის უმაღლეს სტანდარტებს. Stylema-ს ექსკლუზიური დისტრიბუტორია კომპანია „სკინოთეკა“.
MET GALA-ს ვარსკვლავური საღამო გვიახლოვდება
2025 წლის Met Gala-ზე შავკანიანთა მოდის ისტორიისა და თანამედროვე სტილის სინთეზურ აფეთქებას მოველით. დრესკოდი Tailored for You კონცეფციაა. მასპინძლები კი, ანა ვინტურთან ერთად კოლმენ დომინგო, ლუის ჰამილტონი, A$AP Rocky და ფარელ უილიამსი არიან.