გახსოვთ, ხვიჩა კვარაცხელიას გამოჩენა "ოქროს ბურთის" დაჯილდოებაზე?! მაშინ რომ ეს მოვლენა თანამედროვე ქართული ფეხბურთის მწვერვალი გვეგონა, ახლა ქართველი ფეხბურთელების საერთაშორისო ასპარეზზე მიღწეული წარმატებები ჩვენი ყოველდღიურობის ნაწილი გახდა.
“ბედნიერი ვარ აქ ყოფნით. რთული წელი მქონდა და აქ მოხვედრა ჩემი ოცნება იყო, რაც ამისრულდა კიდეც”.
ეს სიტყვები გიორგი მამარდაშვილს ეკუთვნის, რომელმაც ქართული ფეხბურთის სინათლისკენ შემობრუნებაში უდიდესი წვლილი შეიტანა და 24 წლის ასაკში მსოფლიოს მასშტაბით, ერთ-ერთი ყველაზე ძვირადღირებული მეკარე გახდა.
გიორგის დებიუტი პარიზის “ოქროს ბურთის” დაჯილდოებაზე გუშინ შედგა. წითელ ხალიჩაზე ქართველი მეკარე მეუღლესთან, ელენე ეპიტაშვილთან ერთად გამოჩნდა. ელენემ ამ დღისთვის ვერსაჩეს შავი, Medusa ’95 draped gown შეარჩია და მასში იდეალურად გამოიყურებოდა.
“ოქროს ბურთი” საფეხბურთო სამყაროში ერთ-ერთი ყველაზე პრესტიჟული ჯილდოა. 2024 წლის საუკეთესო მოთამაშე ესპანელი სპორტსმენი, როდრი გახდა. მიუხედავად იმისა, რომ ესპანელი ფეხბურთელი ევროპის ჩემპიონი და პრემიერ ლიგის გამარჯვებულია, მთელი მსოფლიოს ფანების აზრით, ტრიუმფს ბრაზილიელი ვინისიუსი იმსახურებდა.
საუკეთესო მოთამაშე ქალის ტიტული აიტანა ბონმატიმ დაიმსახურა. Kopa Trophy, რომელსაც 21 წლამდე საუკეთესო ფეხბურთელს გადასცემენ, შინ ლამინ იამალმა წაიღო და ეს არავის გაჰკვირვებია.
ხოლო ის, რასაც ჩვენ ყველაზე მეტად ველოდით, საუკეთესო მეკარის ტიტული - Yashin Trophy ემილიანო მარტინესის საკუთრება გახდა. გიორგის საუკეთესო მეკარის ტიტულისთვის არც გასაოცარი რეფლექსები, არეალის კონტროლი, ან სეივების რაოდენობა აკლდა, თუმცა, ამჯერად, ჟიურის გადაწყვეტილებით, ვალენსიაში ჯილდოს გარეშე ბრუნდება. ის ნომინატებს შორის ყველაზე ახალგაზრდა მეკარე იყო და 10 საუკეთესო მოთამაშის სიაში მე-7 ადგილი დაიკავა.
მხოლოდ ბოლო თამაშზე, გიორგი მამარდაშვილმა ვალენსიის კარი და ზედიზედ ორჯერ გადაარჩინა, რაც ლა ლიგას თამაშების საუკეთესო მომენტადაც დასახელდა. მამარდას მომავალი სეზონიდან “ლივერპულის” მეკარის ამპლუაში ვიხილავთ. ინგლისის საფეხბურთო კლუბმა ქართველი მეკარისთვის 35 მილიონ დოლარზე მეტი გადაიხადა.
ამ 35 მილიონის უკან გიორგის თავდაუზოგავი შრომა დგას და გუშინდელი საღამოც გამარჯვებისადმი რწმენის შედეგია.
მისი წარმატების გზა კი გრძელდება. ფაქტია, რომ ის მსოფლიოს საუკეთესო ფეხბურთელებს შორის უკვე დიდი ასოებით იწერება, მომავლში ჯილდო და მეტი აღიარებაც არ დააყოვნებს. ჩვენ კი ლივერპულის გულშემატკივრებს საყვარელ ფრაზას დავესესხებით და გიორგის თამამად ვეტყვით: YOU WILL NEVER WALK ALONE!
ტეილორ სვიფტისა და ტრევის კელსის ქორწილი Madison Square Garden-ში გაიმართა. ორდღიანმა ღონისძიებამ ნიუ-იორკი ვარსკვლავური სტუმრებისა და გულშემატკივრების ყურადღების ცენტრში მოაქცია.
2026 წლის ნახევარი თითქმის გასრულდა და დიდ ეკრანებზე უკვე ვიხილეთ ისეთი ფილმები, როგორებიცაა The Devil Wears Prada 2 თუ Toy Story 5. ახლა კი, როდესაც წლის პირველი ნახევარი თითქმის დასრულდა, გადავხედოთ იმ ყველაზე მნიშვნელოვან კინოპრემიერებს, რომლებიც 2027 წლამდე გველოდება.
11-12 ივლისს კიკეთის ფერმა „მუსიკალურ დღეებს“ უმასპინძლებს. ცოცხალი მუსიკის, ბუნების, გემრიელი კერძებისა და გასართობი აქტივობების წყალობით, ფესტივალი საუკეთესო მიზეზია, უქმე დღეები კიკეთის ფერმის სიმწვანეში გავატაროთ.
