Westworld-ის მსახიობი - ევან რეიჩელ ვუდი ყოფილი შეყვარებულისგან მორალურ და ფიზიკურ ძალადობაზე ალაპარაკდა. ვუდის თქმით ის მერლინ მენსონის მსხვერპლი ჯერ კიდევ თინეიჯერობის ასაკში გახდა. ამის შესახებ რეიჩელმა პოსტი ინსტაგრამზე 1 თებერვალს გამოაქვეყნა.
საზოგადოებამ მსახიობისა და მომღერლის ურთიერთობის შესახებ 2007 წელს შეიტყო. მაშინ ვუდი 20 წლის გახლდათ, თუმცა წყვილის ურთიერთობა რამდენიმე წლით ადრე დაიწყო, როდესაც მსახიობი ჯერ კიდევ არასრულწლოვანი იყო.
წყვილი 2010 წელს დაინიშნა კიდეც, მაგრამ ნიშნობიდან 7 თვეში ერთმანეთს დაშორდა. მსახიობის თქმით, მენსონი მას ტვინს ურევდა, ხოლო თინეიჯერი გოგონას მოტყუება და შემდეგ დაშანტაჟება მარტივი გახლდათ.
ამ მოძალადის სახელია ბრაიან ვორნერი. მას საზოგადოება მერლინ მენსონის სახელით იცნობს. ვწერ იმიტომ, რომ საშიში ადამიანი გამოვავლინო მანამ, სანამ ის სხვა გოგონების ცხოვრებასაც დაანგრევს.
2016 წელს რეიჩელმა ერთ-ერთ გამოცემას ტრავმატული გამოცდილების შესახებ უამბო და გამოტყდა, რომ ის წარსულში ორჯერ გააუპატიურეს, ერთხელ შეყვარებულმა, მეორედ კი ბარის მეპატრონემ. მსახიობმა 2018 წელს სასამართლოში ჩვენებაც მისცა. ევან რეიჩელ ვუდის პოსტის გამოქვეყნების შემდეგ, მუსიკოსის მხრიდან ძალადობის შესახებ კიდევ 4 ქალი ალაპარაკდა.
რაც შეეხება მერლინ მენსონს, მისი წარმომადგენლობა ვუდის ბრალდებებზე კომენტარს არ აკეთებს. 2020 წლის ბოლოს მუსიკოსმა ჟურნალისტს ტელეფონი გაუთიშა, როდესაც ინტერვიუერი შეკითხვის დასმას ვუდთან ურთიერთობის შესახებ შეეცადა. რაც შეეხება 52 წლის მენსონის პირად ცხოვრებას, მუსიკოსმა 2020 წლის ოქტომბერში ყველასგან უჩუმრად ლინდსი უსიჩზე იქორწინა.
ტეილორ სვიფტისა და ტრევის კელსის ქორწილი Madison Square Garden-ში გაიმართა. ორდღიანმა ღონისძიებამ ნიუ-იორკი ვარსკვლავური სტუმრებისა და გულშემატკივრების ყურადღების ცენტრში მოაქცია.
2026 წლის ნახევარი თითქმის გასრულდა და დიდ ეკრანებზე უკვე ვიხილეთ ისეთი ფილმები, როგორებიცაა The Devil Wears Prada 2 თუ Toy Story 5. ახლა კი, როდესაც წლის პირველი ნახევარი თითქმის დასრულდა, გადავხედოთ იმ ყველაზე მნიშვნელოვან კინოპრემიერებს, რომლებიც 2027 წლამდე გველოდება.
11-12 ივლისს კიკეთის ფერმა „მუსიკალურ დღეებს“ უმასპინძლებს. ცოცხალი მუსიკის, ბუნების, გემრიელი კერძებისა და გასართობი აქტივობების წყალობით, ფესტივალი საუკეთესო მიზეზია, უქმე დღეები კიკეთის ფერმის სიმწვანეში გავატაროთ.
