მოდელი, ტრენდსეთერი და ერთ-ერთი ყველაზე განხილვადი A-lister-ი, ჰეილი ბიბერი, 2022 წლიდან ბრენდ Rhode-ს ქმნის. Rhode ძალიან მოკლე დროში მსოფლიოში ერთ-ერთი წამყვანი მაკიაჟისა და კანის მოვლის ბრენდი გახდა. კარგი მარკეტინგული კამპანიებითა და ხარისხით, სულ რაღაც ორ წელში, ბრენდმა ისეთ წარმატებას მიაღწია, რომელიც ბევრ დიდ და გამოცდილ კომპანიას შეშურდებოდა. ახლა კი Rhode ბიუჯეტური კოსმეტიკური კომპანიის, e.l.f. Beauty-ს ნაწილი ხდება – ჰეილიმ თავისი ბრენდი მილიარდ დოლარად გაყიდა.
e.l.f.-მა ჰეილის უკვე გადაუხადა 600 მილიონი დოლარი და გადასცა 200 მილიონით შეფასებული აქციები, დარჩენილ 200 მილიონს კი მომდევნო სამ წელიწადში გაყიდვების შედეგების მიხედვით აანაზღაურებს. ეს e.l.f.-ის ისტორიაში და, შესაძლოა, მთელ ინდუსტრიაშიც კი, ერთ-ერთი ყველაზე დასამახსოვრებელი და მასშტაბური გარიგება იყოს. e.l.f. Beauty-ს მიზანია, Rhode კიდევ უფრო ფართო აუდიტორიას გააცნოს. შემოდგომისთვის უკვე იგეგმება ბრენდის აშშ-ს, კანადისა და დიდი ბრიტანეთის Sephora-ს მაღაზიებში შეტანა.
ჰეილი ბიბერი ბრენდს არ ტოვებს – ის კრეატიული დირექტორის პოზიციაზე განაგრძობს საქმიანობას. ეს იმას ნიშნავს, რომ მისი ხელწერა კვლავ დომინანტური იქნება როგორც პროდუქციის დიზაინში, ისე მარკეტინგულ კამპანიებში. „Rhode-ისთვის ახალი თავი იწყება. ყოველთვის მქონდა დიდი ოცნებები ამ ბრენდთან დაკავშირებით. ახლა დროა, Rhode უფრო მეტი ადამიანისთვის გახდეს ხელმისაწვდომი მსოფლიოს სხვადასხვა კუთხეში“, – წერს ჰეილი Instagram-ზე და გულწრფელ მადლობას უხდის როგორც თავის გუნდს, ისე ერთგულ მომხმარებლებს.
Rhode ღირსეულ კონკურენციას უწევს ისეთ ბრენდებს, როგორებიცაა რიანას Fenty Beauty, კაილი ჯენერის Kylie Cosmetics და სელენა გომესის Rare Beauty. ჰეილი ბიბერი ამბობს, რომ Rhode-ის წარმატებამ მის მოლოდინსაც ბევრად გადააჭარბა. ბრენდისთვის, რომელმაც მოკლე დროში მილიონობით ადამიანის კანის მოვლისა და მაკიაჟის ყოველდღიურ რუტინაში საპატიო ადგილი დაიმკვიდრა, ახალი პარტნიორობით კიდევ უფრო მეტი შესაძლებლობა ჩნდება.
ტეილორ სვიფტისა და ტრევის კელსის ქორწილი Madison Square Garden-ში გაიმართა. ორდღიანმა ღონისძიებამ ნიუ-იორკი ვარსკვლავური სტუმრებისა და გულშემატკივრების ყურადღების ცენტრში მოაქცია.
2026 წლის ნახევარი თითქმის გასრულდა და დიდ ეკრანებზე უკვე ვიხილეთ ისეთი ფილმები, როგორებიცაა The Devil Wears Prada 2 თუ Toy Story 5. ახლა კი, როდესაც წლის პირველი ნახევარი თითქმის დასრულდა, გადავხედოთ იმ ყველაზე მნიშვნელოვან კინოპრემიერებს, რომლებიც 2027 წლამდე გველოდება.
11-12 ივლისს კიკეთის ფერმა „მუსიკალურ დღეებს“ უმასპინძლებს. ცოცხალი მუსიკის, ბუნების, გემრიელი კერძებისა და გასართობი აქტივობების წყალობით, ფესტივალი საუკეთესო მიზეზია, უქმე დღეები კიკეთის ფერმის სიმწვანეში გავატაროთ.
