თბილისის მოდის რუკაზე კიდევ ერთი გამორჩეული ბრენდი გამოჩნდა. დედაქალაქის გულში, რუსთაველის გამზირზე პრემიუმ კლასის ფრანგული ბრენდის, Maje Paris-ის პირველი ოფიციალური მაღაზია გაიხსნა. „აქ და ყველგან – ქალური, თავისუფალი და ემოციური“ – ეს ის ფილოსოფიაა, რომელიც ბრენდის ყოველ კოლექციას 1998 წლიდან დღემდე თან სდევს.
Maje-ის სამყარო ნელი ტემპით ცხოვრებისკენ გვიბიძგებს, რაც თანამედროვეობის დაუსრულებელი ქაოსის წინააღმდეგ მდუმარე ამბოხია. გადატვირთული გრაფიკის მიუხედავად, ქალი, რომელიც Maje-ს ატარებს, თავდაჯერებულად მიიკვლევს გზას. ის არის ლაღი, გულწრფელი და ყოველთვის ისეთი, როგორიც სინამდვილეშია.
ბრენდის ამ ფილოსოფიას TheDiary-ს ახალ Cover Story-ში კრეატორი ლეკა მიქაძე განასახიერებს. ამ კამპანიისთვის მან ბრენდის უახლესი კოლექცია მოირგო და ფრანგული ესთეტიკა განსაკუთრებული შარმით გააცოცხლა. ლეკა ზუსტად ის ქალია, რომელიც თავისი ინდივიდუალიზმით Maje-ის იდენტობასა და ხასიათს საუკეთესოდ ირგებს.
საქართველოში ბრენდის ექსკლუზიური წარმომადგენელი კომპანია „Z&A G“ გახლავთ, რომელიც ცნობილი „ნორკ ჯგუფის“ წევრია. ეს უკანასკნელი ქართულ ბაზარზე 1997 წლიდან ოპერირებს. „ნორკ ჯგუფმა“ 28-წლიანი წარმატებული ისტორიის განმავლობაში გამორჩეული ბიზნეს კულტურა ჩამოაყალიბა. დღეს ჯგუფი ეკონომიკის სხვადასხვა სექტორში წამყვან პოზიციებს იკავებს და ათასზე მეტ პროფესიონალს აერთიანებს.
Maje არ არის ერთადერთი გლობალური სახელი, რომელიც ჯგუფს საქართველოში შემოჰყავს. კომპანია წლებია წარმატებით მართავს ისეთი ცნობილი ბრენდების მაღაზიებს, როგორებიცაა Burberry, Polo Ralph Lauren, Santoni, Sandro Paris და New Yorker-ის ქსელი. როგორც ჯგუფში აღნიშნავენ, სწორედ სრულყოფილებაზე ორიენტირება და უწყვეტი განვითარებაა ის მთავარი ღირებულებები, რაც მათ ბაზრის ლიდერებად აქცევს.
რუსთაველის 28 ნომერში მდებარე შოურუმში უკვე წარმოდგენილია გაზაფხული-ზაფხულის უახლესი კოლექცია. ბრენდის მოყვარულებს შესაძლებლობა აქვთ, ადგილზე გაეცნონ ფრანგული მოდის იმ ტენდენციებს, რომლებიც ორგანულად აერთიანებს თავისუფლებას, დახვეწილ ფემინურობასა და თანამედროვე სტილს. ასე რომ, მათთვის, ვისაც საკუთარი გარდერობის პარიზული შარმით გამდიდრება სურს, Maje-ის ოფიციალური სივრცე უკვე ღიაა.
კანიე უესტის კონცერტი პროექტის Starring Georgia ფარგლებში, 12 ივნისს „დინამო არენაზე“ გაიმართება. მაშინ, როცა თბილისში კანიეს კონცერტი ოფიციალურად დაანონსდა, არტისტის შოუებს ევროპის ქვეყნები რიგ-რიგობით აუქმებენ.
თბილისში მოდის სფეროს მთავარი მოვლენა - Mercedes-Benz Fashion Week ბრუნდება. Factory Tbilisi-ს ინდუსტრიულ სივრცეში თავმოყრილი კრეატიული ენერგია წელს განსაკუთრებულ მასშტაბებს შეიძენს.
შვედი არტისტი ჯეი-ჯეი იოჰანსონი თბილისს უბრუნდება, ამჯერად საქართველოს ეროვნული სიმფონიური ორკესტრისა და ანსამბლ „შავნაბადას“ თანხლებით. ნიკოლოზ რაჭველის დირიჟორობით, იოჰანსონის ნაცნობი მელოდიები სრულიად ახალ ჟღერადობას მიიღებს.
