ჩრდილოეთ ევროპული მოდის ყველაზე დიდი მოვლენა, კოპენჰაგენის მოდის კვირეული, ყოველწლიურად ამტკიცებს, რომ სკანდინავიელებმა ჩაცმა საუკეთესოდ იციან. ამას მხოლოდ ადგილობრივი ბრენდების ახალ-ახალი კოლექციები არ ადასტურებს, რადგან ამ ჭეშმარიტების ამოსაცნობად დანიის დედაქალაქის მოკირწყლულ ქუჩებში, ჩვენებებზე მიმავალი ადამიანების სტილიც საკმარისია.
წელს პოდიუმზე ვიხილეთ Cecilie Bahnsen, Anne Sofie Madsen, Rave Review და კიდევ არაერთი სკანდინავიელი დიზაინერის შემოქმედება. ხოლო ქუჩის სტილმა ზაფხულის ყველა ის ტრენდი გააერთიანა, რაზეც აქამდე გვისაუბრია თუ გვიწერია.
სცენის ცენტრში ისევ სანდლები იდგა, დაწყებული Alaya-ს მაღალქუსლიანი სანდლებით, დამთავრებული ელასტიკური, ზღვისთვის განკუთვნილი მოდელებით. მათ შორის, რაღა თქმა უნდა, ვიხილეთ The Row Dune-ის წითელი შლაპუნა, ასევე Jelly Fish სანდლები. სანდლები წარმოდგენილი იყო ყველა ფერში, ფორმით და სიმაღლით.
ქუჩის სტილის განუყოფელ ნაწილად რჩება ტანსაცმლის მრავალი ფენა, რომელიც რაც მეტია, მით უფრო საინტერესო და ექსპერიმენტულია. აქტუალური იყო წელზე მოხვეული პერანგები ან სვიტერები. მოდის ენთუზიასტებს არც ის გასჭირვებიათ, რომ ტრენდები ერთ ლუქში მოექციათ და დამატებით, ინდივიდუალური სტილის დეტალებით გაემდიდრებინათ იგი.
განსაკუთრებით თვალში საცემი იყო კოპლებიანი სამოსი. კლასიკური კოპლები ამჯერად ახალი ხედვით დაბრუნდა. შავ-თეთრი ვარიანტები დომინირებდა, თუმცა არაპროგნოზირებადი კომბინაციებიც ვიხილეთ. იქნებოდა ეს კაბა, Capri შარვლები თუ ქვედაბოლოები. ეს უკანასკნელი, სხვათა შორის, სეზონის ერთ-ერთ მთავარ ტრენდად თავად იქცა.
აქსესუარებიდან უდავოდ მთავარი ჰიტი იყო მოქსოვილი ქუდები, შუბლამდე ჩამოწეული, მარტივი, თუმცა საინტერესო დეტალებით გაფორმებული. ზოგიერთი მათგანი კულტურულ სიმბოლიზმსაც ატარებდა. ზოგი ელეგანტურ იერს ქმნიდა, ზოგი კი თავისუფალ, ბოჰემურ სტილს, მაგრამ ორივე შემთხვევაში, ლუქებს გამორჩეულს ელფერს ანიჭებდა.
ახლა კი, თავად დაათვალიერეთ საუკეთესო street style ლუქები, რომლებიც ფოტოგრაფ Acielle-ის ობიექტივში მოხვდა.
დემნა გვასალიამ GUCCI-ს ახალ ეპოქას ჩაუყარა საფუძველი. დებიუტისთვის ქართველმა დიზაინერმა კოლექცია La Famiglia შექმნა, რომელიც მილანის მოდის კვირეულის წინ, ლუქბუქის სახით გამოქვეყნდა. ფილმის პერსონაჟების ინსპირაციით კი, იტალიურმა ბრენდმა მოკლემეტრაჟიანი ფილმი The Tiger გადაიღო.
გაიგეთ ყველაფერი მოდის ბრენდის სტრატეგიულ კომუნიკაციაზე თბილისში. TheDiary School x GG Academy-ის კურსი გასწავლის სოციალური მედიის სტრატეგიებს, ფოტო-ვიდეო კამპანიების დაგეგმვასა და საზოგადოებასთან ურთიერთობის ინსტრუმენტებს. სტაჟირება და დასაქმების შესაძლებლობა პარტნიორ კომპანიებში.
გიორგი ქებურიამ ლონდონის მოდის კვირეულზე 2026 წლის გაზაფხული/ზაფხულის კოლექცია წარადგინა. ახალი ნამუშევრები ისტორიულ და თანამედროვე მოდიას შორის დიალოგს ქმნიდა, სადაც დიზაინერი კლასიკურ ხელწერას თამამ სილუეტებთან აერთიანებდა.
