ჯიჯი ჰადიდმა 30 წლის იუბილე ნიუ-იორკში ვარსკვლავურ წრეში აღნიშნა
ჯიჯი ჰადიდმა 30 წლის იუბილე ნიუ-იორკში ბრედლი კუპერთან და ვარსკვლავურ სტუმრებთან ერთად აღნიშნა.
მთელი მსოფლიო ჩინურ აპლიკაცია RedNote-ზე ლაპარაკობს. ეს სოციალური ქსელი მას შემდეგ მოექცა ყურადღების ცენტრში, რაც ამერიკის შეერთებულ შტატებში TikTok-ის აკრძალვის შესახებ გავრცელდა ინფორმაცია. შეერთებულ შტატებში TikTok-ის მომავალი ახლა მოსამართლეების ხელშია. უზენაესმა სასამართლომ უკვე მოისმინა არგუმენტები TikTok-ის ამკრძალავ კანონზე, რომელსაც აპრილში პრეზიდენტმა ჯო ბაიდენმა მოაწერა ხელი. კანონი მოითხოვს, რომ TikTok-ი ჩინურმა კომპანია ByteDance-მა დადგენილ ვადამდე გაყიდოს, წინააღმდეგ შემთხვევაში, აპლიკაცია აშშ-ში აიკრძალება.
სავარაუდოა, რომ ეს აკრძალვა ძალაში 19 იანვრიდან შევა. შესაბამისად, Apple App Store-სა და Google Play Store-ში აპლიკაცია გაქრება.
TikTok-ის მომხმარებლების "თავშესაფარი" აპლიკაცია Xiaohongshu, ჩვენთვის RedNote-ის სახელითაა ცნობილი და მისი მომხმარებლები ერთმანეთს ცხოვრების სტილის, ყოველდღიურობისა თუ მოგზაურობის შესახებ ინფორმაციას უზიარებენ.
RedNote-ს ხშირად ჩინეთში აკრძალული ინსტაგრამის ლოკალურ ვერსიად მოიხსენიებენ. ჩინური სახელი - Xiaohongshu "პატარა წითელ წიგნად" ითარგმნება და კომუნისტი ლიდერის, მაო ძედუნის გამონათქვამების კრებულს ეხმიანება.
@eric_britt i understand it now. already learning new skills after one day on the little red book app📕 #rednote #xiaohongshu #tiktokban #newyearnewme ♬ Red sun in the sky original - Socialist Music
ჩინეთში მოსახლეობის უდიდესი ნაწილი რეკომენდაციებისთვის სწორედ ამ პლატფორმას იყენებს. მოდა, სილამაზე, გემრიელი საკვები, მოგზაურობა - ეს ის თემებია, რომლებიც ყველაზე ხშირად განიხილება RedNote-ზე. Xiaohongshu ჩინეთის e-commerce-ის ერთ-ერთი მსხვილი პლატფორმაა და მოსახლეობას ონლაინ ყიდვა-გაყიდვას უმარტივებს. მისი ძირითადი მომხმარებლები კი 1990 წლის შემდეგ დაბადებული ახალგაზრდები, უფრო მეტად ქალები არიან.
განსხვავებით TikTok-ისა და Instagram-ისგან, ამ პლატფორმაზე შესვლისას ერთდროულად რამდენიმე პოსტი თუ ვიდეო, ფოტო ან ტექსტია ეკრანზე განთავსებული, დაახლოებით ისე, როგორც ეს Pinterest-ზეა. RedNote ჩინეთის ბაზარზე ერთ-ერთი ყველაზე მზარდი პლატფორმაა. 2023 წლის მონაცემებით, მას ყოველთვიურად 300 მილიონზე მეტი აქტიური მომხმარებელი ჰყავდა.
აპლიკაცია Miranda Qu-მ და Charlwin Mao-მ 2013 წელს შანხაიში შექმნეს. თავდაპირველად აპლიკაცია სავაჭრო გზამკვლევის მსგავსი იყო, მომხმარებლები ერთმანეთს თავიანთი შენაძენების შესახებ ინფორმაციას უზიარებდნენ და რეკომენდაციებს გასცემდნენ. 2018 წელს აპლიკაციაში ჩინეთის მსხვილმა კომპანიებმა, Tencent-მა და Alibaba Group-მა 300 მილიონი დოლარის ინვესტიცია ჩადეს და RedNote-იც საერთაშორისოდ ცნობილი და გამოყენებადი პლატფორმა გახდა.
აქამდე აპლიკაციას მხოლოდ ჩინელები იყენებდნენ და იმის მიუხედავად, რომ ენის შეცვლა მარტივადაა შესაძლებელი, კონტენტის უმეტესი ნაწილი მხოლოდ ჩინურ ენაზე იდებოდა. მას შემდეგ, რაც TikTok-ის მომხმარებლები აქტიურად გადავიდნენ RedNote-ზე, ჩინური აპლიკაციის შემქმნელებიც ცდილობენ მაქსიმალურად დახვეწონ და გაამარტივონ ინგლისურენოვანი ადამიანებისთვის პლატფორმის მოხმარება. კომპანიისთვის ეს გლობალური პოპულარობა სასიამოვნო სიურპრიზია და პოტენციური გზაც, რომ TikTok-ის მსგავსი საერთაშორისო აღიარება მოიპოვოს.
არ გამოგრჩეთ
MERCEDES-BENZ FASHION WEEK-ის დებიუტი ბაქოში
მაისის სამი დღის განმავლობაში აზერბაიჯანის დედაქალაქი იქცევა მოდის, ხელოვნებისა და ტექნოლოგიების საერთაშორისო პლატფორმად, სადაც დიზაინერები და კრეატიულ ინდუსტრიებთან დაკავშირებული ადამიანები შეხვდებიან ერთმანეთს.
AND JUST LIKE THAT მესამე სეზონით ბრუნდება
Sex And the City-ს სპინოფი And Just Like That მესამე სეზონით ბრუნდება და მანჰეტენის თავგადასავლებში გვეპატიჟება. სეზონის პრემიერა 29 მაისს პლატფორმა Max-ზე შედგება. წინ გველის 12 ეპიზოდი — სავსე ზაფხულის ცხელი დღეებითა და უფრო ცხელი ღამეებით, რთული სასიყვარულო ურთიერთობებითა და ოჯახური დრამებით.