საქართველოს ეტლით-მოფარიკავეთა ქალთა ნაკრები მსოფლიო ჩემპიონია

ვარშავაში მიმდინარე მსოფლიო ჩემპიონატის ტრიუმფატორებად საქართველოს ეტლით-მოფარიკავეთა ქალთა ნაკრები მოგვევლინა. ფინალურ ბრძოლაში ქართველი მოფარიკავეები უკრაინის ნაკრებს შეხვდნენ და მძიმე ბრძოლაში 45:43 დაამარცხეს და ისტორიული გამარჯვებაც მოიპოვეს.

ირმა ხეცურიანმა, ნინა თიბილაშვილმა და გვანცა ზადიშვილმა საქართველოს პარაოლიმპიური მოძრაობისთვის, პირველი ოქროს მედალი მოიპოვეს.

9 ივლისიდან, საქართველოს პარამოფარიკავეთა ნაკრები, ვარშავაში ეტლით ფარიკაობაში მსოფლიო თასის გათამაშებაში გააგრძელებს ასპარეზობას, რომელიც 9 ივლისს დაიწყება და 12 ივლისს დასრულდება.