ჩაინიშნეთ - სულ რაღაც 4 საათში, ლონდონში მოღვაწე ქართველი დიზაინერის დავით კომახიძის კოლექციის ჩვენება გაიმართება. მსოფლიო პანდემიის ფონზე, ნიუ-იორკის, მილანის, პარიზისა თუ ლონდონის მოდის კვირეულის ჩვენებები ციფრულ ფორმატში მიმდინარეობს, არც David Koma-ს შემოდგომა/ზამთარი 2021 წლის კოლექცის ჩვენება გახლავთ გამონაკლისი. სასიხარულოა ის ფაქტიც, რომ დავითის ახალი კოლექციის ჩვენებაში ქართველ მოდელს ეთო მიგრაულს ვიხილავთ.
David Koma-ს Instagram გვერდზე უკვე გამოჩნდა რამდენიმე მოკლე ვიდეო, რომლებიც შემოდგომა/ზამთარი 2021 წლის კოლექციის გამოსვლას აანონსებენ. ერთ-ერთ მათგანში ეთო მიგრაულიც ჩანს, რომელსაც დავითის მინიმალისტური შავი კაბა და ტყავის ხელთათმანები ამშვენებს.
დავით კომახიძის ახალი კოლექციის მთავარი მესიჯი ყველაზე რთულ მომენტებშიც კი ოპტიმიზმის შენარჩუნებისკენ მოწოდებას ჰგავს. როგორც Youtube არხის აღწერაში ვკითხულობთ, მიუხედავად მსოფლიო პანდემიისა, ჩვენ იმის მომსწრენიც გავხდით, როგორ სწრაფად შეიცვალა ყველაფერი სამეცნიერო პროგრესის წყალობით, ეს ყველაფერი კი პირველ ყოვლისა იმედს ბადებს, უკეთესი მომავლის იმედს.
ხვალ, ზეგ და მაზეგ თბილისი მსოფლიოს სხვადასხვა ქვეყანაში მოღვაწე მწერლებს, მეცნიერებს, ჟურნალისტებს, ხელოვანებსა და აქტივისტებს უმასპინძლებს. წლის ერთ-ერთი ყველაზე მნიშვნელოვანი ფესტივალი იწყება, რომელიც ამბების თხრობაზე, გამოცდილებების გაზიარებასა და დიალოგის წამოწყებაზეა ორიენტირებული
გრემის მფლობელი ბილი აილიში მსახიობ ნატ ვულფთან ერთად ვენეციაში დააფიქსირეს, რამაც მათი რომანის შესახებ ჭორები საბოლოოდ დაადასტურა.
ნიუ-იორკში ამერიკელი რეპერისა და პროდიუსერის, შონ Diddy კომბსის წინააღმდეგ დაწყებული სასამართლო პროცესი მიმდინარეობს. თუ კომბსს დანაშაულები დაუმტკიცდა, შესაძლოა ცხოვრების ბოლომდე ციხეში მოუწიოს დარჩენა.
