ჯიჯი ჰადიდმა 30 წლის იუბილე ნიუ-იორკში ვარსკვლავურ წრეში აღნიშნა
ჯიჯი ჰადიდმა 30 წლის იუბილე ნიუ-იორკში ბრედლი კუპერთან და ვარსკვლავურ სტუმრებთან ერთად აღნიშნა.
ჰოლივუდის ყველაზე მნიშვნელოვან საღამოზე ოტ კუტურის შედევრებში გამოწყობილი ვარსკვლავები, ემოციური სიტყვით გამოსვლები და მოულოდნელი გამარჯვებები ვიხილეთ. წლევანდელ ცერემონიაზე კინოინდუსტრიის კიდევ ერთი წარმატებული საღამო შედგა.
ANORA-ს ტრიუმფი
საღამოს უდავო გამარჯვებული იყო შონ ბეიკერის ფილმი Anora, რომელმაც ოთხ უმნიშვნელოვანეს კატეგორიაში გაიმარჯვა: საუკეთესო ფილმი, საუკეთესო რეჟისორი, საუკეთესო ორიგინალური სცენარი და საუკეთესო მონტაჟი. ფილმმა არა მხოლოდ კრიტიკოსების აღიარება მოიპოვა, არამედ მაყურებლების გულებიც დაიპყრო. მთავარი როლის შემსრულებელმა მაიკი მედისონმა (Mikey Madison) თავისი პირველი ოსკარი მოიგო, რის შემდეგაც სცენაზე ემოციები, რაღა თქმა უნდა, ვერ დამალა.
„ენის მოგზაურობა გამძლეობასა და საკუთარი თავის აღმოჩენაზეა, და ჩემთვის დიდი პატივია, რომ ამ როლის გაცოცხლება მხვდა წილად“, - აღნიშნა მედისონმა თავის გამოსვლაში.
ედრიენ ბროუდის ტრიუმფალური დაბრუნება 22 წლის შემდეგ
წლევანდელი ოსკარების ერთ-ერთი დაუვიწყარი მომენტი ედრიენ ბროუდის გამარჯვება იყო. ფილმ The Brutalist-ში არქიტექტორის როლის შესრულებისთვის მან საუკეთესო მსახიობის კატეგორიაში გამარჯვება მოიპოვა. ბროუდის შესრულებამ კიდევ ერთხელ დაამტკიცა მისი გამორჩეული ნიჭი და მის კარიერაში მეორე ოსკარიც ჩაიწერა.
მეორეხარისხოვანი როლები
მეორეხარისხოვანი როლების კატეგორიაში ზოი სალდანასა და კიერან კალკინის ტრიუმფი ვიხილეთ. Emilia Pérez-ში შესრულებული მეორეხარისხოვანი როლისთვის ზოი სალდანამ თავისი პირველი ოსკარი მოიგო (თანაც პირველად იყო ნომინირებული ამ ჯილდოსთვის), ხოლო კიერან კალკინს ყველაზე პრესტიჟული ჯილდო A Real Pain-ში შესრულებულმა როლმა მოუტანა.
დენის ვილნევის Dune: Part Two ტექნიკური კატეგორიების აბსოლუტური ლიდერი იყო. ფილმმა აიღო საუკეთესო საუნდისა და ვიზუალური ეფექტებისთვის ორი ოსკარი, რაც კიდევ ერთხელ ადასტურებს ფილმის კინემატოგრაფიულ სიდიადეს.
ბროდვეის მაგია ოსკარის სცენაზე
მიუზიკლების მოყვარულებისთვის წლის ერთ-ერთი მთავარი მოვლენა Wicked-ის გამარჯვება იყო. ფილმმა საუკეთესო კოსტიუმების დიზაინისა და საუკეთესო პროდაქშენ დიზაინის კატეგორიებში გაიმარჯვა, ხოლო არიანა გრანდემ და სინთია ერივომ ბროდვეის ჯადოსნური ატმოსფერო ოსკარის სცენაზე გააცოცხლეს.
საერთაშორისო აღიარება
მიუხედავად იმისა, რომ ფერნანდა ტორესმა პერსონალური ოსკარი ვერ აიღო, ფილმმა I'm Still Here საუკეთესო საერთაშორისო ფილმის კატეგორიაში გაიმარჯვა, რაც ბრაზილიელებისთვის არანაკლებ სასიხარულო შედეგია.
გამარჯვებულების სრული სია კი ასე გამოიყურება:
საუკეთესო მეორეხარისხოვანი როლის შემსრულებელი მსახიობი მამაკაცი
კიერინ კალკინი, A Real Pain
საუკეთესო ანიმაციური ფილმი
Flow
საუკეთესო მოკლემეტრაჟიანი ანიმაცია
In the Shadow of the Cypress
საუკეთესო კოსტიუმების დიზაინი
Wicked – Paul Tazewell
საუკეთესო ორიგინალური სცენარი
Anora
საუკეთესო ადაპტირებული სცენარი
Conclave
საუკეთესო მაკიაჟი და ვარცხნილობა
The Substance
საუკეთესო მონტაჟი
Anora - Sean Baker
საუკეთესო მეორეხარისხოვანი როლის შემსრულებელი მსახიობი ქალი
Zoe Saldaña, Emilia Pérez
საუკეთესო პროდაქშენ დიზაინი
Wicked
საუკეთესო ორიგინალური სიმღერა
El Mal, Emilia Pérez
საუკეთესო მოკლემეტრაჟიანი დოკუმენტური ფილმი
The Only Girl in the Orchestra
საუკეთესო დოკუმენტური ფილმი
No Other Land
საუკეთესო ხმა
Dune: Part Two
საუკეთესო ვიზუალური ეფექტები
Dune: Part Two
საუკეთესო მოკლემეტრაჟიანი live action
I’m Not a Robot
საუკეთესო კინემატოგრაფია
The Brutalist
საუკეთესო საერთაშორისო ფილმი
I'm Still Here – ბრაზილია
საუკეთესო ორიგინალური მუსიკა
The Brutalist - Daniel Blumberg
საუკეთესო მსახიობი კაცი
Adrien Brody, The Brutalist
საუკეთესო რეჟისორი
Sean Baker, Anora
საუკეთესო მსახიობი ქალი
Mikey Madison, Anora
საუკეთესო ფილმი
Anora