სუპერმოდელი ჯიჯი ჰადიდი ამერიკული შოუს Project Runway-ს მიწვეული სტუმრის ამპლუაში მოგვევლინა. დიდი მოთხოვნიდან გამომდინარე, ჯიჯიმ შოუში ჟიურის მოვალეობა მოირგო და დამწყები დიზაინერების კონკურსში, რომელშიც ყველაზე ნიჭიერი და კრეატიული დიზაინერები იღებენ მონაწილეობას, მათი შეფასება დაევალა.
Project Runway-ს რიგით მეოთხე შეჯიბრის დავალება flower flashed გახლდათ, შოუს მონაწილეებს ყვავილების შთაგონებით საკუთარი ხელით უნდა შეექმნათ პრინტები, შემდეგ კი უშუალოდ სილუეტები, რომლებსაც ჟიურის წინაშე წარადგენდნენ.
ყვავილებით ინსპირირებულ გადაცემაში სუპერმოდელი თავადაც ყვავილების კოსტუმით მივიდა, თეთრ ორეულში გამოწყობილ სუპერმოდელს ყვითელი ყვავილები, ამავე ფერის მაკიაჟი და მაღალქუსლიანი ფეხსაცმელები ამშვენებდა.
ჯიჯი ჰადიდი მოდის სამყაროში 2014 წელს გამოჩნდა, შესაშური გენების, მოდის სამყაროში სახელგანთქმული დედის, დაუღალავი შრომისა და პროფესიონალიზმის წყალობით, ჯიჯიმ მალევე მოახერხა მოდის ინდუსტრიაში სახელის მოხვეჭა. 2016 წელს British Vogue Council-მა ხმამაღლა აღიარა ჯიჯი ჰადიდის სახელი, მალევე სუპერმოდელი ყველაზე მაღალანაზღაურებად მოდელად, მოდური ჩვენებებისა და მოდის კვირეულების ფავორიტ გოგოდ და სახედ იქცა.
გასულ წელს ჯიჯის ზეინ მალიკთან პირველი ქალიშვილი კაი შეეძინა, დედობის ამპლუის მორგების შემდეგ ჰადიდს პოდიუმზე დაბრუნება არ უჩქარია, სუპერმოდელი მაქსიმალურად ტკბებოდა ახალი როლით და ქალიშვილთან გატარებული დღეებით, თუმცა უნდა ითქვას ისიც, რომ ნელნელა ჯიჯი მოდის სამყაროს უბრუნდება.
Stranger Things-ის მეხუთე და საბოლოო სეზონის ტრეილერი უკვე გამოვიდა. ტრეილერში ჩანს, რომ ჰოკინსი სამხედრო კარანტინის ქვეშაა, ქალაქი ქაოსსა და შიშს აქვს მოცული, ხოლო პერსონაჟებს ვეკნასთან გადამწყვეტი ბრძოლა ელით.
Victoria’s Secret-ის 2025 წლის შოუ ნიუ-იორკში, 15 ოქტომბერს გაიმართება. ფერადი ფრთებით, ნოსტალგიური ელემენტებითა და ახალ ენერგიით სავსე პოდიუმზე ვიხილავთ ლეგენდარულ მოდელებსა და ახალ სახეებს, მათ შორის მატილდა გვარლიანს.
ლეგენდარული Ocean’s Eleven-ის ვარსკვლავები ეკრანებზე ბრუნდებიან. ჯორჯ კლუნი ადასტურებს, რომ Ocean’s 14-ის გადაღებები რამდენიმე თვეში დაიწყება. ამასთან, Warner Bros-ი Ocean’s-ის პრიქველზეც იწყებს მუშაობს, სადაც მარგო რობისა და ბრედლი კუპერს ვიხილავთ.
