ჯიჯი ჰადიდმა 30 წლის იუბილე ნიუ-იორკში ვარსკვლავურ წრეში აღნიშნა
ჯიჯი ჰადიდმა 30 წლის იუბილე ნიუ-იორკში ბრედლი კუპერთან და ვარსკვლავურ სტუმრებთან ერთად აღნიშნა.
ჰარი პოტერის სერიალის პირველი ვარსკვლავური შემადგენლობა უკვე ცნობილია. HBO ჰოგვორტსის ლეგენდარულ პერსონაჟებს ახალ ცხოვრებას, მაყურებელს კი ეკრანზე ახალ სახეებს უმზადებს.
სერიალში ალბუს დამბლდორის როლს John Lithgow შეასრულებს. მის გვერდით მაყურებელი იხილავს Janet McTeer-ს, რომელიც მინერვა მაკგონაგელის როლში გამოჩნდება. სევერუს სნეიპს Paapa Essiedu გააცოცხლებს, ხოლო რუბეუს ჰაგრიდს Nick Frost-ი. ასევე ცნობილი გახდა, რომ პროფესორ ქვირელის როლში Luke Thallon-ს ვიხილავთ, არგუს ფილჩის პერსონაჟს კი Paul Whitehouse-ი განასახიერებს.
HBO-ს სერიალი რამდენიმე წელს გაგრძელდება და თითოეული სეზონი წიგნის ერთ ნაწილს დაეთმობა. ეს საკმაოდ დიდი დროა და სავარაუდოდ, გაცილებით უფრო ღრმა და ემოციურად დატვირთული ეკრანიზაცია გველის წინ, რადგან ფილმებში წიგნის ბევრი დიალოგი ვერ მოხვდა და ზოგიერთი პერსონაჟის განვითარებაც არასაკმარისად იყო ნაჩვენები. ყოველი წიგნისთვის თითო სეზონი კი საკმარისია, რომ მაგიური სამყაროს სრულყოფილი ისტორია ეკრანზე გაცოცხლდეს.
მიუხედავად იმისა, რომ ჰოგვორტსის პროფესორების როლები უკვე გადანაწილებულია, ჰარის, ჰერმიონისა და რონის შემსრულებლების შესახებ ჯერ არაფერი ვიცით. უკვე გამოცხადდა 9-დან 11 წლამდე მსახიობებისთვის ღია კასტინგი, რომელზეც 30,000-ზე მეტმა ბავშვმა გაგზავნა განაცხადი. საბოლოო შერჩევა სავარაუდოდ მალე დასრულდება, რადგან გადაღებები 2025 წლის ზაფხულშია დაგეგმილი. პრემიერის ზუსტი თარიღი ჯერ უცნობია.
სერიალის აღმასრულებელი პროდიუსერი წიგნების სერიის ავტორი ჯოან როულინგი იქნება. მასთან ერთად იმუშავებენ დევიდ ჰეიმანი (Harry Potter-ის ფილმების პროდიუსერი) და Brontë Film and TV-ს გუნდი. HBO იმასაც დაგვპირდა, რომ სერიალი ზედმიწევნით გაჰყვება წიგნის შინაარსს.
გავრცელდა ასევე ხმები, რომ ვოლდემორის როლზე შესაძლოა კილიან მერფი განიხილებოდეს, თუმცა ეს ჯერ ოფიციალურად დადასტურებული არ არის.
მიუხედავად იმისა, რომ ჯერ კიდევ ბევრი კითხვაა პასუხგაუცემელი, ერთი რამ ზუსტად ვიცით - მომავალში, ჰარი პოტერის სერიალი HBO-ს ერთ-ერთი ყველაზე მასშტაბური და შთამბეჭდავი ტელეპროექტი გახდება.
არ გამოგრჩეთ
MERCEDES-BENZ FASHION WEEK-ის დებიუტი ბაქოში
მაისის სამი დღის განმავლობაში აზერბაიჯანის დედაქალაქი იქცევა მოდის, ხელოვნებისა და ტექნოლოგიების საერთაშორისო პლატფორმად, სადაც დიზაინერები და კრეატიულ ინდუსტრიებთან დაკავშირებული ადამიანები შეხვდებიან ერთმანეთს.
AND JUST LIKE THAT მესამე სეზონით ბრუნდება
Sex And the City-ს სპინოფი And Just Like That მესამე სეზონით ბრუნდება და მანჰეტენის თავგადასავლებში გვეპატიჟება. სეზონის პრემიერა 29 მაისს პლატფორმა Max-ზე შედგება. წინ გველის 12 ეპიზოდი — სავსე ზაფხულის ცხელი დღეებითა და უფრო ცხელი ღამეებით, რთული სასიყვარულო ურთიერთობებითა და ოჯახური დრამებით.