100-წლიანი იუბილეს პომპეზურად აღნიშვნის შემდეგ, Gucci ახალ სარეკლამო კამპანიას წარმოგვიდგენს, რომელმაც ისეთი ვარსკვლავები და ბრენდის ერთგული გულშემატკივრები გააერთიანა, როგორებიც ჰარი სტაილსი, აკვაფინა, დაკოტა ჯონსონი, სერენა უილიამსი, სიენა მილერი და დაიან კიტონი არიან.
Gucci-ს საკულტო ჩანთების კამპანია ღამის შოუს პაროდიის სტილში წარსდგა, რომელსაც სული, რაღა თქმა უნდა ბრენდის კრეატიულმა დირექტორმა ალესანდრო მიკელემ ჩაჰბერა, თავად ღამის შოუს წამყვანად კი ჯეიმს კორდონი მოგვევლინა. კამპანიებში ცნობილმა ადამიანებმა, Gucci-ს ყველაზე ცნობილი ხელჩანთები წარადგინეს, მათ შორის იყო Dionysus და Jackie 1961-ის მოდელიც.
"ჩვენ დროში ვიმოგზაურეთ და იმ პერიოდში დავბრუნდით, როდესაც ღამის შოუები დიდი მოვლენა იყო, ამ ღამით კი მთავარ გმირად ჩანთა გვევლინება. ხშირ შემთხვევაში ეს ჩანთები გავლენიანი ქალების სახელებს ატარებენ, იმ ქალების, რომლებმაც ჩანთებს პიროვნულობა შემატეს" - განაცხადა ალესანდრომ ოფიციალურ განცხადებაში.
თითოეულ ვარსკვლავს და მის ხელთ არსებულ საკულტო ჩანთას პერსონალური ვიდეორგოლი მიეძღვნა, რომელშიც ცნობილი ადამიანები ორ სიტუაციაში - ეკრანებზე და მის მიღმა არიან წარმოდგენილი.
ჰარი სტაილსი
დაკოტა ჯონსონი
აკვაფინა
სერენა უილიამსი
სიენა მილერი
დაიან კიტონი
Stranger Things-ის მეხუთე და საბოლოო სეზონის ტრეილერი უკვე გამოვიდა. ტრეილერში ჩანს, რომ ჰოკინსი სამხედრო კარანტინის ქვეშაა, ქალაქი ქაოსსა და შიშს აქვს მოცული, ხოლო პერსონაჟებს ვეკნასთან გადამწყვეტი ბრძოლა ელით.
Victoria’s Secret-ის 2025 წლის შოუ ნიუ-იორკში, 15 ოქტომბერს გაიმართება. ფერადი ფრთებით, ნოსტალგიური ელემენტებითა და ახალ ენერგიით სავსე პოდიუმზე ვიხილავთ ლეგენდარულ მოდელებსა და ახალ სახეებს, მათ შორის მატილდა გვარლიანს.
ლეგენდარული Ocean’s Eleven-ის ვარსკვლავები ეკრანებზე ბრუნდებიან. ჯორჯ კლუნი ადასტურებს, რომ Ocean’s 14-ის გადაღებები რამდენიმე თვეში დაიწყება. ამასთან, Warner Bros-ი Ocean’s-ის პრიქველზეც იწყებს მუშაობს, სადაც მარგო რობისა და ბრედლი კუპერს ვიხილავთ.
