რა გახსენდებათ პირველი თქვენი თინეიჯერობის წლების გახსენებისას? - ალბათ იმ წლებისთვის დამახასიათებელი სილამაზის ტრენდები, მაგრამ ძალიან ცოტა კანის მოვლისა და მისი სიყვარულის შესახებ. ის ფაქტი, რომ საკუთარი სახის კანის მოვლა უპირველესად ჩვენივე თავების სიყვარულს გულისხმობს ნამდვილად პანაცეაა, თუმცა თინეიჯერობის წლები ბევრი სირთულით გამოირჩევა, რაც ხშირად მოზარდების სახის კანზე აღიბეჭდება და ხშირად კვალსაც ტოვებს, ამ პერიოდში კი ძალიან რთულია გიყვარდეს შენი თავი.
საკუთარი თავის მიმღებლობა უფრო ზრდასრული ასაკისთვის დამახასიათებელი თვისებაა, თინეიჯერობისას კი უბრალოდ ვცდილობთ ვიპოვოთ საუკეთესო პროდუქტები და ბრენდები, რომლებიც ჩვენი სახის კანს გამოაჯანმრთელებენ. მსგავსი ჯადოსნური პროდუქტებ შესაძლოა ჩვენი ცხოვრების მეგზურნიც კი გახდნენ.
ჯენიფერ ენისტონი
ჯენიფერი ერთერთი ყველაზე ცნობილი მსახიობია მსოფლიოში, მისი კანის სიჯანსაღისა და ბზინვარების საიდუმლო კი საკმაოდ გამაოგნებელია. აღმოჩნდა, რომ ენისტონი თინეიჯერობის ასაკიდან მოყოლებული Neutrogena-ს გამწმენდ საპონზეა შეყვარებული, რომლის შეძენა, სულ რაღაც 3 დოლარად შეგიძლიათ.
Dermatologist-Recommended Original Face Soap Bar with Glycerin
დრიუ ბერიმური
ბერიმურის ფავორიტებში მიცელარული წყალი - Bioderma's Sensibio H2O აღმოვაჩინეთ, რომელიც აგრეთვე, არა ერთი ცნობილი ადამიანის საყვარელი პროდუქტია. დრიუმ, პროდუქტის შესახებ Instagram-ზე ისაუბრა და განმარტა, რომ ეს მიცელარული მისი თინეიჯერობის წლების საყვარელი შენაძენია.
Bioderma's Sensibio H2O
კონსტანს ვუ
სახის ორმაგი წმენდის მოყვარული მსახიობი პირველ საფეხურზე უპირატესობას ზეთოვან საწმენდს ანიჭებს, რომელიც ხშირად იცვლება მის რუტინაში, აი უცვლელად კი ყოველთვის მეორე საფეხური რჩება - Clearasil-ის სახის დასაბანი საშუალება.
Clearasil-ის სახის დასაბანს სერიოზულად ვიყენებ, ის ჩემი ფავორიტი პროდუქტი ჯერ კიდევ თინეიჯერობის ასაკიდანაა.
Clearasil Rapid Rescue, Deep Treatment Wash
ოლივია კულპო
4.7 მილიონი გამომწერით Instagram-ზე ოლივია ყოველთვის ფორმაშია, მისი სილამაზისა და თავის მოვლის პროდუქტები ხშირად იცვლება, თუმცა ერთადერთი მუდმივი მის ცხოვრებაში საყვარელი სურნელი - Dolce & Gabbana's Light Blue-ა, რომელიც კულპომ თინეიჯერობისას აღმოაჩინა და მას შემდეგ მისი ერთგული მომხმარებელი რჩება.
Dolce & Gabbana's Light Blue
ემა უოთსონი
მსოფლიოში ერთერთი ყველაზე საყვარელი მსახიობი ყურადღების ცენტრში ბავშვობიდან მოექცა. ემასთვის ყველაზე მნიშვნელოვანი თინეიჯერობის პერიოდი აღმოჩნდა, როდესაც გოგონა მონდომებით ცდილობდა სახის კანის ყოველი გამონათება დროულად ჩაეხშო. სწორედ ამ პერიოდში აღმოაჩინა ემამ ბრენდი Évolué, რომლის დასაბანსა და მაკიაჟის მოსაშორებელ პროდუქტებს მსახიობი დღემდე უდიდეს რეკომენდაციას უწევს.
Gentle Cleanser and Makeup Remover
ქეით ბოსვორთი
მსახიობის სახის კანი საოცარი სიგლუვით, ჯანსაღი იერითა და ბზინვარებით გამოირჩევა, რაც პირველ ყოვლისა მისი სახის დასაბანი საშუალების Epicuren's Herbal Cleanseის დამსახურებაა, ქეითმა ეს პროდუქტი სკოლის პერიოდში აღმოაჩინა. Byrdie-სთან მიცემულ ინტერვიუში ბოსვორთმა განმარტა, რომ როგორც დილის, აგრეთვე ღამის რუტინაში ის სწორედ ამ პროდუქტს ირჩევს.
Epicuren Herbal Cleanser
ქეით ჰადსონი
ქეითი ცნობილი ჰოლივუდელი მსახიობის გოლდი ჰოუნის ქალიშვილია. სწორედ დედამ მისცა თინეიჯერ ქეითს პირველი Crème de la Mer-ის ფლაკონი და მას შემდეგ ეს სახის დამატენიანებელი საცხი მსახიობისთვის შეუცვლელ პროდუქტად იქცა.
Crème de la Mer Moisturizer
ხვალ, ზეგ და მაზეგ თბილისი მსოფლიოს სხვადასხვა ქვეყანაში მოღვაწე მწერლებს, მეცნიერებს, ჟურნალისტებს, ხელოვანებსა და აქტივისტებს უმასპინძლებს. წლის ერთ-ერთი ყველაზე მნიშვნელოვანი ფესტივალი იწყება, რომელიც ამბების თხრობაზე, გამოცდილებების გაზიარებასა და დიალოგის წამოწყებაზეა ორიენტირებული
გრემის მფლობელი ბილი აილიში მსახიობ ნატ ვულფთან ერთად ვენეციაში დააფიქსირეს, რამაც მათი რომანის შესახებ ჭორები საბოლოოდ დაადასტურა.
ნიუ-იორკში ამერიკელი რეპერისა და პროდიუსერის, შონ Diddy კომბსის წინააღმდეგ დაწყებული სასამართლო პროცესი მიმდინარეობს. თუ კომბსს დანაშაულები დაუმტკიცდა, შესაძლოა ცხოვრების ბოლომდე ციხეში მოუწიოს დარჩენა.
