საათების მწარმოებელმა შვეიცარიულმა კომპანიამ Urwerk, დავით კაკაბაძის Art Studio-სთან კოლაბორაციით, ახალი საათი „UR-100V Time and Culture III“ წარადგინა. საათის თითოეული დეტალი დავით კაკაბაძის ატელიეს ოსტატების მიერაა შესრულებული.
UR-100V Time and Culture III-ის ოქროთი და ტიხრული მინანქრით შესრულებული დიზაინი მინიატიურული მხატვრობის ნამდვილი შედევრია. მის შესაქმნელად ქართველ ოსტატებს 1152 დღე, 19 სხვადასხვა მინანქარი და მათი 750°C ტემპერატურაზე 16-ჯერ გამოწვა დასჭირდათ.
კომპოზიციის შთაგონების წყარო სვეტიცხოვლის საკათედრო ტაძრის ფრესკის ფრაგმენტი „ზოდიაქოს რკალი“ გახდა. როგორც თავად ბრენდი აღნიშნავს, ეს საათი „Time and Culture“ კოლექციის ნაწილია და ქრისტიანულ რელიგიას ეძღვნება, კერძოდ კი საეკლესიო გადმოცემას, რომლის მიხედვითაც ელიოზმა, იერუსალიმიდან წამოსვლის შემდეგ, ქრისტეს სამოსელი საქართველოში ჩამოაბრძანა. დაბრუნებულ ელიოზს თავისი და სიდონია შეეგება, რომელმაც უფლის კვართი გულში ჩაიკრა და მოზღვავებული ემოციების ფონზე სული განუტევა. ვერანაირად შეძლეს კვართის სიდონიას ხელებიდან მოშორება და იძულებულნი გახდნენ სიდონია კვართიანად დაემარხათ.
საათის ციფერბლატზე გამოსახულია ქრისტე, რომელიც 12 თვის, 12 საათისა და 12 თანავარსკვლავედის გამომხატველი ციური სიმბოლოებითაა გარშემორტყმული.
ეს საათი შვეიცარიული საათების ბრენდის ფილოსოფიის გაგრძელებაა. Urwerk-ში თანამედროვე საათები უძველეს ტრადიციებთან თანხვედრაში იქმნება.
ლონდონში ბრიტანეთის სამეფო ოჯახის სამხედრო ცერემონია Trooping the Colour 2025 გაიმართა. ღონისძიებაში მონაწილეობდნენ მეფე ჩარლზი, პრინცესა კეთრინი და ოჯახის წევრები. ყურადღება პრინცესა კეთრინის ჩაცმულობამ და ღონისძიების ცერემონიალის დეტალებმა.
ხვიჩა კვარაცხელია ქართული ფეხბურთის მთავარ სიმბოლოდ იქცა — მან ნეაპოლში სკუდეტო მოიგო, PSG-ს ჩემპიონთა ლიგა მოუტანა და საქართველოს ისტორიულად პირველად ევროპის ჩემპიონატზე გაიყვანა.
პლატფორმა Max „ჰარი პოტერის“ სერიალის მზადებაშია. ჰოგვორტსის პროფესორების შემდეგ, ახლა უკვე ცნობილი ტრიოს – ჰარის, ჰერმიონისა და რონის პერსონაჟების შემსრულებელი მსახიობების ვინაობაც ვიცით. სერიალის გადაღებები ამ ზაფხულს დაიწყება.
