ეკრანულ წყვილებს ხშირად რეალურ ცხოვრებაშიც უყვარდებათ ერთმანეთი, ეს ახალი ამბავი არაა და მაყურებელს მსგავსი სასიყვარულო ისტორიები ძალიან უყვარს. სწორედ ასეთი Love Story გაჩნდა პამელა ანდერსონსა და ლიამ ნისონს შორის. 58 წლის ანდერსონი და 73 წლის ნისონი, ჰოლივუდის ორი ყველასთვის კარგად ცნობილი მსახიობი, ერთმანეთს ფილმის The Naked Gun გადაღებებზე შეხვდნენ. აქამდე მათი გზები არ გადაკვეთილა.
The Naked Gun 1988 წლის საკულტო ფილმის თანამედროვე ვერსიაა და მისი ნახვა ქართულ კინოთეატრებში უკვე შესაძლებელია. მთავარი გმირების, ფრენკ დრებინ უმცროსისა და ბეთ დევენპორტის როლებს სწორედ ნისონი და ანდერსონი ასრულებენ.
პრეს-ტურის განმავლობაში ლიამი პამელას მიმართ სიმპათიებს ღიად გამოხატავდა.
„სიმართლე გითხრათ, სიგიჟემდე შეყვარებული ვარ პამელაზე. ძალიან მარტივია მასთან მუშაობა. პროფესიონალი და ხალისიანი ადამიანია“, – ლიამ ნისონი.
პამელა კი ინტერვიუებში ლიამს ზრდილობიანად, ჯენტლმენად და პროფესიონალად მოიხსენიებს. მას შემდეგ, რაც მსახიობების ინტერვიუები და ფოტოები ვიხილეთ, მათ ურთიერთობაზე ჭორებიც გავრცელდა. თავდაპირველად ამაზე საუბარს თავს არიდებდნენ. ლიამ ნისონს ადრე ისიც კი ჰქონდა ნათქვამი, რომ „პაემნების ასაკი გადალახა“.
ლიამის და პამელას ქიმია აშკარა გახდა 22 ივლისს, ლონდონში, ფილმის პრემიერაზე, სადაც წყვილი წითელ ხალიჩაზე ერთად გამოჩნდა. ნიუ-იორკის პრემიერაზე კი ისინი უკვე შვილებთან ერთად მივიდნენ. სატელევიზიო გადაცემაში Today მათი კოცნაც ვიხილეთ.
მათი ურთიერთობა ოფიციალურად არასოდეს დადასტურებულა, თუმცა ყველა ნიშნით აშკარა ხდება. როგორც ვიცით, პამელა მოხიბლულია ლიამის გულწრფელობითა და იუმორით, ხოლო ნისონი ჰოლივუდის გლამურის მიღმა, პამელას სიმარტივეს აფასებს. მათ ლიტერატურისა და კომედიის სიყვარულიც აერთიანებთ.
ჰოლივუდის წყვილის ისტორია ჯერ ახლა დაიწყო, თუმცა უკვე გვახსენებს, რომ პაემნების ასაკიდან არც არავინ არასდროს გამოდის. სიყვარული კი, ცხოვრების ნებისმიერ ეტაპზე შეიძლება მოულოდნელად გვეწვიოს.
სოფია კოპოლა დოკუმენტურ ჟანრში პირველ ნაბიჯს დგამს. ფილმი Marc by Sofia, ამერიკელი დიზაინერის, მარკ ჯეიკობსის ცხოვრების ყველაზე მნიშვნელოვან მომენტებს აცოცხლებს. ფილმის პრემიერა ვენეციის კინოფესტივალზე შედგება.
82-ე ვენეციის საერთაშორისო კინოფესტივალის კონკურსანტი ფილმების სია უკვე ცნობილია. The Diary გთავაზობთ გამორჩეულ ნამუშევრებს – პუტინის ბიოგრაფიული ტრილერიდან პალესტინელი გოგონას, ჰინდ რაჯაბის ტრაგიკულ ისტორიამდე.
თუ ზაფხულის ბარგში მხოლოდ ერთი წიგნისთვის მოიტოვეთ ადგილი, ჩვენი სტატია საუკეთესოს არჩევაში დაგეხმარებათ. წარმოგიდგენთ ხუთ შესანიშნავ წიგნს, მსოფლიო ბესტსელერებსა და დებიუტანტ ქართველ ავტორებს.
