კანის კინოფესტივალზე ირლანდიური ჯგუფ U2-ს სოლისტის, ბონოს დოკუმენტური ფილმის პრემიერა გაიმართა. Bono: Stories of Surrender-ის ჩვენების შემდეგ, 6 წუთის განმავლობაში მაყურებლის ოვაციები არ წყდებოდა. ენდრიუ დომინიკის მიერ გადაღებული ფილმი მუსიკოსის ცხოვრების ისტორიას გვიყვება და მისი მემუარების მიხედვითაა შექმნილი.
თუმცა, თავად ბონოს გამოჩენამ წითელ ხალიჩაზე კიდევ უფრო დიდი ყურადღება მიიპყრო. კინოფესტივალის პრემიერაზე ლეგენდარული მუსიკოსი მსახიობ შონ პენთან და უკრაინელი ჯარისკაცების ჯგუფთან ერთად გამოჩნდა.
„გმადლობთ, რომ თავისუფლებას გვინარჩუნებთ. დიდება უკრაინას!“, – მიმართა ჯარისკაცებს ბონომ.
შონ პენი მუსიკოსის დიდი ხნის მეგობარი და უკრაინის აქტიური მხარდამჭერია. 2023 წელს პენმა და აარონ კაუფმანმა გადაიღეს დოკუმენტური ფილმი Superpower, რომელიც უკრაინის პრეზიდენტ ვოლოდიმირ ზელენსკის პოლიტიკურ გზაზე მოგვითხრობს. ამ ფილმის პრემიერა ბერლინალეზე შედგა, შონ პენი კი უკრაინელებთან კავშირს კვლავ ინარჩუნებს.
🎬 Bono Walks the Cannes Red Carpet With Ukrainian Soldiers — "You Are Keeping Freedom Alive!"
— Devana 🇺🇦 (@DevanaUkraine) May 17, 2025
In one of the most powerful moments at the Cannes Film Festival, Bono, frontman of U2, appeared on the red carpet not just with fellow musicians and Hollywood stars — but with… pic.twitter.com/zoB35QQHXN
ბონოს გადაწყვეტილება, პრემიერაზე ჯარისკაცებთან ერთად მისულიყო, სიმბოლურად უკრაინელების მხარდაჭერას აღნიშნავს და კანის კინოფესტივალის ისტორიასაც ეხმიანება. ბონოს თქმით, სამყარო ზუსტად ისე დგას ფაშიზმის საფრთხის წინაშე, როგორც 1939 წელს იდგა, როცა კანის კინოფესტივალი დაფუძნდა. თუმცა, მეორე მსოფლიო ომის გამო ფესტივალის ჩატარება მხოლოდ 1946 წელს მოხერხდა.
„მუსოლინიმ, პატარა ულვაშებიანმა კაცუნამ და მისმა მეგობარმა გებელსმა ვენეციის კინოფესტივალი თავიანთი გავლენის ქვეშ მოაქციეს. ამიტომ კანის ფესტივალი ფაშიზმის წინააღმდეგ საბრძოლველად შეიქმნა“, – მიმართა ბონომ კინოფესტივალის სტუმრებს.
ბონო კანში საკუთარი ფილმის პრემიერაზე უკვე მეორედაა. 2007 წელს საფრანგეთში U2 3D იხილა მაყურებელმა, მაგრამ წლევანდელი დოკუმენტური ფილმი, Stories of Surrender ჯგუფის სოლისტის პერსონალურ გზაზე მოგვითხრობს. ფილმი ბონოს სულ სხვა კუთხით გვაჩვენებს – როგორც შვილს, ქმარს, მამას, მუსიკოსსა და აქტივისტს. ფილმის ნახვა 30 მაისიდან, Apple TV+-ზე იქნება შესაძლებელი.
2025 წლის კანის კინოფესტივალზე, როგორც ყოველთვის, თავი მოიყარა მსოფლიოს ყველაზე გაბედულმა, პოლიტიკური თემებით დატვირთულმა და ვიზუალურად გამორჩეულმა კინოსურათებმა. გაეცანით მთავარი კონკურსის მონაწილე რეჟისორებსა და მათ ფილმებს.
სალომე ბენიძის პიესა „მარო“ გერმანული გამომცემლობის, AvivA-ს ხელშია. გერმანულ თარგმანზე იუნონა გურული იმუშავებს. AvivA Verlag არის გამომცემლობა, რომელიც მივიწყებული საგანძურისა და მსოფლიო ლიტერატურის განსაკუთრებული ქალების ძიებაშია. რა გასაკვირია, რომ ამ გზაზე გამომცემლობამ მარო მაყაშვილი და სალომე ბენიძე აღმოაჩინა.
2025 წელი კინომოყვარულებისთვის სავსეა საინტერესო პრემიერებით. The Diary გთავაზობთ იმ კინოსურათების სიას, რომელთა დიდ ეკრანებზე გამოჩენაც 2025 წლის დარჩენილ თვეებშია დაგეგმილი.
