შლაპუნები სეზონის ყველაზე ტრენდული ფეხსაცმელი
კოპენჰაგენის მოდის კვირეულზე შლაპუნებმა მაღალი მოდის სტატუსი მოიპოვეს. ნახეთ როგორ იქცა ეს მარტივი საზაფხულო ფეხსაცმელი სეზონის ყველაზე ტრენდულ აქსესუარად.
როგორ იქცა 2500 ლარიანი შლაპუნა სტატუსის სიმბოლოდ
10 აგვისტო 2025ზაფხული დასასრულს უახლოვდება, თუმცა გაინტერესებთ წლევანდელი სეზონის ყველაზე დიდი ტრენდი? ეს არც მეტი და არც ნაკლები შლაპუნაა, კლასიკური საზღვაო რეზინის ფეხსაცმელი.
ამჯერად საუბარია განსაკუთრებულ მოდელზე, რომლის ღირებულებაც 2500 ლარს აღემატება და ზოგიერთი უცხოური საიტის მიხედვით უკვე Sold Out სტატუსშიც არის. ეს არ არის დეკორით დატვირთული ან კრისტალებით მოჭედილი ფეხსაცმელი. მისი სილუეტი ისეთივე მარტივია, როგორსაც ქობულეთის სანაპირო მაღაზიაში მარტივად იპოვით, თუმცა ფასი ისეთი აქვს, რომ იმავე სანაპიროზე ათდღიანი დასვენებაც შეგიძლიათ.
 |
The Row Dune შლაპუნები |
ბუნებრივია, ჩნდება კითხვა რა აქვს ამ შლაპუნას ისეთი, რომ მისი ფასი ჩვეულებრივ მოდელზე ასჯერ მეტია. წითელი რეზინის ძირი და არც ლოგო, არც დეკორი. ოლსენის ტყუპების ფილოსოფია აქ სრულად იკითხება: მინიმალიზმი და მკვეთრად ჩამოყალიბებული სტილი, რომელმაც The Row თავისი ადგილი მოუპოვა თანამედროვე მოდის სამყაროში.
ცნობილმა სახეებმა მნიშვნელოვანი როლი ითამაშეს ამ მოდელის პოპულარიზაციაში. ჯონათან ბეილი წითელ ხალიჩაზე გამოჩნდა ამ მოდელით, ჯენიფერ ლოურენსმა კი იგი შეუხამა ჯინსის შორტებს. დაკოტა ჯონსონი, კენდალ ჯენერი, ელიზაბეთ ოლსენი და თავად მერი კეიტ ოლსენიც ხშირად ჩნდებიან ქალაქის ქუჩებში ამ ფეხსაცმლით.
ფაქტი, რომ შლაპუნა გახდა სეზონის მთავარი მოდური აქსესუარი, მიუთითებს ტენდენციების ცვლილებაზე. კომფორტი და მინიმალიზმი უკვე სერიოზულად ეჯიბრება მაქსიმალისტურ ესთეტიკას, ხოლო ისეთი ბრენდებიც როგორებიცაა Balenciaga და Miu Miu უბრუნდებიან ყველაზე მარტივ სილუეტებს და მათ ახალ მნიშვნელობას ანიჭებენ.
ასე ფეხსაცმელი, რომელიც წარსულში მხოლოდ ბიუჯეტურ დასვენებასთან ასოცირდებოდა, დღეს მოდის წინა რიგებშია. აბსურდია თუ გენიალური ეს დამოკიდებულია ინდივიდუალურ ხედვაზე. ერთი კი ცხადია, რომ თუ ბრენდმა მოინდომა, ათლარიანი შლაპუნაც შეიძლება იქცეს 2500 ლარიან აქსესუარად.
არ გამოგრჩეთ
აიღეთ P'AUZA შერატონ გრანდ თბილისი მეტეხი პალასში ზაფხულის ცხელი დღეებისგან
აგვისტოს მზიან დღეებში, დამღლელი რუტინის ფონზე, პაუზის აღებაა აუცილებელი. შერატონ გრანდ თბილისი მეტეხი პალასი სწორედ ის ადგილია, სადაც შეგიძლიათ რამდენიმე საათით ქალაქის ხმაურს მოწყდეთ და თავი ხანმოკლე, მაგრამ სრულფასოვან შვებულებაში იგრძნოთ, დაისვენოთ, იცურაოთ და გემრიელი სასმელიც დააგემოვნოთ.
ზაფხულის BEST FRIEND 4EVER: თეთრი სარაფანი
თეთრი კაბის კომფორტსა და ელეგანტურობაზე მეტყველებს ის ფაქტი, რომ ის მუდამ იკავებს ღირსეულ ადგილს მაღალი მოდის სახლებისა თუ ადგილობრივი დიზაინერების კოლექციებში. The Diary-ს რედაქციამ თქვენთვის სხვადასხვა სტილის სარაფნები შეარჩია, რომლებსაც ზაფხულის ლუქების შესაქმნელად გამოიყენებთ.