ბომბარდირის ლაბუბუ
გიორგი მიქაუტაძე Ligue 1-ის გახსნის ტურზე Labubu-ს ტრენდული აქსესუარით გამოჩნდა. ქართველი ბომბარდირი ამჯერად მოედნის მიღმაც მოხვდა ყურადღების ცენტრში – Louis Vuitton-ის ჩანთაზე მორგებული Labubu-ს სათამაშოთი.
მოდის სამყაროში დაუწერელი წესია, რომ როცა ჰაერში ტემპერატურა დაბლა იწევს, ხოლო დღეები ხანმოკლე და რუხი ხდება, სეზონურ ფერებად მძიმე და მდიდრული პალიტრა შემოდის. ამ ყველაფერს კი ხშირად მოდის სახლების შემოდგომა/ზამთრის კოლექციები განსაზღვრავს. 2025 წლის შემოდგომა/ზამთრის ფერთა ტენდენციები ყვითელი სეზონის დუალურ ხასიათს ასახავს – აქტუალობას არ კარგავენ თბილი ფერები, თუმცა წინა პლანზე უფრო გაბედული პალიტრა გადმოდის.
 |
 |
2023 წელს დაწყებული ბარბის ვარდისფრის „ეპიდემიის" შემდეგ, ნელ-ნელა ღია, მკრთალი ვარდისფერი იმკვიდრებს თავს და წელს შემოდგომის ერთ-ერთი წამყვანი ფერია. დახვეწილი და ამავდროულად თვალშისაცემი ვარდისფერი Khaite-ის, Alaïa-ს, Miu Miu-სა და Loewe-ს კოლექციებში იყო წარმოდგენილი. ეს ნაზი და დელიკატური ელფერი, მკვეთრი ვარდისფრისგან განსხვავებით, ქალურობასა და ელეგანტურობას აერთიანებს.
 |
|
 |
|
წითელი კი უკვე შემოდგომის კლასიკად იქცა. ამ სეზონზე განსაკუთრებით პოპულარული წიწაკის ფერი მკვეთრი წითელი გახლავთ. ჩილი წიწაკის წითელი და ცოცხალი ალუბლისფერი ტონები ამ სეზონზე განსაკუთრებით აქტუალურია. ის საუკეთესო არჩევანია მნიშვნელოვანი საღამოებისთვის, როცა გვსურს, რომ გამოვირჩეოდეთ, თავდაჯერებულობა და ენერგია გამოვასხივოთ. დიზაინერების კოლექციებში ხშირად ვხვდებოდით მონოქრომულ წითელ ლუქებსაც.
 |
 |
 |
|
 |
|
ყავისფერიც შემოდგომის კლასიკური ფერია და ის 2025 წლის შემოდგომის კოლექციებში Prada-სა და Gucci-ს დიზაინერებმა აქტიურად გამოიყენეს. ყავისფერი შეგიძლიათ შეუხამოთ ამავე ფერის ჩექმებს ან ზამშის ჩანთას, რათა დახვეწილი და ჰარმონიული ლუქი მიიღოთ.
 |
 |
 |
|
 |
|
ასევე ტრენდულია ლურჯის სხვადასხვა ელფერი. ამ შემოდგომაზე იდეალური არჩევანია ლურჯის სხვადასხვა ტონალობის შეხამება და მონოქრომული ლუქის შექმნა, იქნება ეს ყინულისფერი, მუქი ლურჯი თუ ცისფერი ტონები.
 |
 |
 |
|
 |
|
და ბოლოს, ტრენდული ფერების პალიტრაზე აუცილებლად უნდა აღვნიშნოთ მკვეთრი ბადრიჯნისფერიც. ეს მუქი, ელექტრო იასამნისფერი პოდიუმზე Dries Van Noten-მა, Tom Ford-მა და Colleen Allen-მა წარმოადგინეს.
 |
 |
 |
|
 |
|
არ გამოგრჩეთ
საქართველოს სასტუმროები ფუფუნების უმაღლესი სტანდარტით
საქართველოს სხვადასხვა კუთხეში განსხვავებული ხედების, ფილოსოფიისა თუ გამოცდილების მქონე სასტუმროები არსებობს, სადაც დასვენება სულ სხვა განზომილებაში გადადის. ჩვენ ხუთი სასტუმრო შეგირჩიეთ, სადაც სწორედ იმას იპოვით, რასაც ეძებთ – სიმშვიდეს, ბუნებას და კომფორტს.
HER STORE-ის ახალ კოლექციას ხმელთაშუა ზღვის ნიავი მოაქვს
სწორედ მაშინ, როცა ზღვის, აუზის ან ქალაქის ცხელი დღეებისთვის შესაფერის სამკაულებს ვეძებთ, ქართული ბრენდი HER Store-მა იტალიური და ბერძნული მოტივებით შთაგონებულ ნაკეთობებს გვთავაზობს, რომლებიც დასვენებისა და უდარდელი ცხოვრების სულს გადმოსცემს.