| ანნა მათიაშვილი |
იაპონიის უძველესმა საცხობმა სიყვარული პურის ინგრედიენტად აქცია. Nec Corp-ის AI ტექნოლოგიამ კიმურაიას არტიზანულ საცხობთან ერთად სიყვარულის გემოთი გაჟღენთილი “Ren AI Pan” შექმნა. ხელოვნურმა ინტელექტმა გემოების ინსპირაცია იაპონური რეალითი შოუდან “Today I Fell In Love” აიღო. შეყვარებულთა საუბრებისა თუ იაპონური სასიყვარულო სიმღერის ტექსტების გაანალიზებით AI-მ ხუთი განსხვავებული გემო შექმნა, რაც სიყვარულის სხვადასხვა ეტაპებს წარმოადგენენ, მათ შორის, პირველ შეხვედრას, პირველ პაემანსა და ეჭვიანობას, რომლის გემოც Ren AI Pan-ის მიხედვით ტკბილი კარტოფილის, ქიშმიშისა და ტრიუფელის ზეთის არომატებისგან შედგება.
ხელოვნური ინტელექტის მიერ განსაზღვრული გემოების პალიტრის გამოყენებით კიმურაიას მცხობლები თითოეულ პურს სიყვარულით ამზადებდნენ. ყურადღებას უთმობდნენ არა მხოლოდ გემოებს, არამედ ცოცხალ ფერებს, ვიზუალურ მხარეს, რომელიც სწორედ იმ ემოციებთან ასოცირდება, რომლის გამოწვევაც ინგრედიენტებით სურთ. საცხობის მიზანია ამ ინოვაციით ახალგაზრდა აუდიტორია მიიზიდოს. საბაზრო კვლევის თანახმად, რომელიც კიმურაიას საცხობმა და ტექნოლოგიურმა კომპანიამ ერთად ჩაატარეს, Gen Z-ს თაობა უფრო და უფრო ნაკლებადაა დაინტერესებული სასიყვარულო ურთიერთობებით. ახალგაზრდებს პურის გასინჯვა შეყვარებულობის განცდას უჩენს და სურვილს აღუძრავს, რომ იგივე შეგრძნებები რეალურ ცხოვრებაშიც გადმოიტანონ.
“AI Romance Bread” კლიენტებს კულინარიულ თავგადასავალს სთავაზობს. მომხმარებლები შეიძლება გამოუსწორებელი რომანტიკოსები იყვნენ ან უბრალოდ კულინარიის მოყვარულები, რომელთაც გასტრონომიისა და ხელოვნური ინტელექტის კოლაბორაციამ დააინტერესათ. პურის გაყიდვა კიმურაიას ონლაინ მაღაზიასა და კანტოს რეგიონის სუპერმარკეტებში 1 თებერვალს დაიწყო.
“Ren AI Pan” ერთგვარი ინოვაციაა, რომელიც გვაჩვენებს, რომ ყველაზე ტკბილი მომენტები ფქვილით, შაქრითა და ტექნოლოგიების მაგიით იქმნება. კიმურაიას პურის ყველა ნაჭერი სიყვარულითაა გაჯერებული და რომანტიკული მოგზაურობა მისი ყოველი ლუკმითა და გემოს რეცეპტორების მეშვეობით იწყება.
კანის მოვლისთვის ყველაზე მნიშვნელოვანი მზისგან დამცავის ყოველდღიური გამოყენებაა. SPF-ის ეფექტურობის შესანარჩუნებლად სპეციალისტები გვირჩევენ, დღის განმავლობაში რამდენჯერმე განვაახლოთ მისი ფენა სახის კანზე. ამისთვის კი იდეალური მზისგან დამცავი სტიკებია.
ზაფხული ახლოვდება და ყველა იმაზე ვფიქრობთ, სად გავექცეთ ქალაქის სიცხეს და სწრაფ რიტმს. The Diary–ს Cover Story–ში სწორედ ასეთ განტვირთვაზე, ქალაქგარეთ გასვლასა და დასვენებაზე ვსაუბრობთ. ჩვენი მთავარი გმირები კი მოდელი ანნა შელია და ყოფილი მორაგბე ლაშა ლომიძე არიან.
ლენი კრავიცის პარიზული რეზიდენცია Hotel de Roxy ფრანგული არქიტექტურის, პირადი ისტორიებისა და მუსიკალური მემკვიდრეობის ერთგვარი სინთეზია. 1920-იან წლებში აგებული ვილა დღეს უკვე ლენის ხელწერით გაფორმებული სივრცეა, სადაც იხილავთ ხელოვნების ნიმუშებს, ოჯახურ რელიქვიებსა და მუსიკოსის გრემის ჯილდოებს. სახლი, რომელიც ლენიმ დედამისს მიუძღვნა, სიმბოლურად როქსის ოცნების ასრულებად იქცა.
