რეცეპტი: ყაბაყის უგემრიელესი ატრია ლიმონით

ატრიის მოყვარულები ექსპერიმენტებზე რა აზრის ბრძანდებით? თუ ტრადიციული რეცეპტიდან გადახვევა და ახალი გემოების აღმოჩენა გიყვართ, მაშინ სწორ ადგილას მოხვდით და გირჩევთ კითხვა განაგრძოთ.

ატრიას ასეულობით ვარიაცია არსებობს, ხორცით თუ მის გარეშე, სხვადასხვა სოუსით და იმთავითვე სხვადასხვა მომზადების ტექნიკით, თუმცა დღეს If.ge-ს მიერ სპეციალურად The Diary-ს მკითხველისთვის გაზიარებულ ყაბაყის ატრიას რეცეპტს წარმოგიდგენთ ლიმონით, რომელიც მართლაც რომ უმარტივესი მოსამზადებელია და საოცრად გემრიელი.

ინგრედიენტები:

• ყაბაყი 1 ცალი
• ნიორი 1 კბილი
• ლიმონის ცედრა 1 ს.კ.
• ლიმონის წვენი 1 ს.კ.
• რეჰანი 20 გრ.
• ზეითუნის ზეთი 1 ს.კ.

მომზადების წესი:

ყაბაყს მიეცით ატრიის ფორმა სათლელის საშუალებით.

ცხელ ტაფაზე დაასხით ზეითუნის ზეთი. დაამატეთ ნიორი. კარგად მოთუშეთ. დაამატეთ ლიმონის ცედრა და ლიმონის წვენი. დაამატეთ ყაბაყის ატრია. 2-3 წუთი მოთუშეთ და გადმოდგით.

ზემოდან მოაყარეთ პარმეზანი, მწვანეულობა ან დაღერღილი წიწაკა თქვენი გემოვნებით.