სამხრეთ პორტუგალიაში, ფერმის ნანგრევებზე უზარმაზარი კურორტია გაშენებული. Quinta do Lago გასული საუკუნიდან მოყოლებული, წლების განმავლობაში ხელიდან-ხელში გადადიოდა. დღეს კი მას ირლანდიელი მილიარდერი, დენის ო'ბრაიანი განაგებს.
იტალიურ ფიჭვებში ჩაფლული Quinta do Lago ალგარვეში, Ria Formosa-ს ნაკრძალში მდებარეობს. ის ძვირფას რესტორნებს, გოლფის მოედნებს, სპორტულ კლუბებს, სასტუმროს, კერძო სახლებსა და ქვიშის სანაპიროს მოიცავს. ეს არის ადგილი, სადაც ოჯახსა და მეგობრებთან ერთად დაუვიწყარი დროის გატარებაა შესაძლებელი.
Quinta do Lago მაღალი ხარისხის რესტორნებითაა ცნობილი. კურორტი ყველა ტიპის მომსახურების მიღების შანსს იძლევა. რესტორნების ნაწილში დაგხვდებათ მშვიდი, ფორმალური გარემო, შეგეძლებათ პირდაპირ ეთერში უყუროთ მსოფლიოს სპორტულ მატჩებსა და ჩემპიონატებს. შეფები ხმელთაშუა ზღვის ცოცხალ პროდუქტებს, შეშაზე გამომცხვარ პიცას, ჯანსაღ სალათებსა და დესერტებს გვთავაზობენ.
აზიური სამზარეულოს მოყვარულებისთვისაც უამრავი შეთავაზებაა. აქვეა სტეიკის სახლები, ტრადიციული პორტუგალიური და ვეგეტარიანულ/ვეგანური სამზარეულოები. ყველა მათგანს უნიკალური ხედი და გარემო გამოარჩევს.
საოჯახო რესტორანი Dano’s კი, LUX Life Magazine-მა 2020 წელს ალგარვეს საუკეთესო ბარ-რესტორნადაც კი დაასახელა. რესტორანი Quinta do Lago-ს მთავარი სპორტული ცენტრის, The Campus-ის შუაგულში მდებარეობს. მენიუში შეხვდებით ადგილობრივ სეზონურ კერძებს. ინტერიერი კი ელეგანტური, ვინტაჟური და მდიდრული ავეჯით, ორნამენტებითა და დეტალებითაა გაფორმებული.
კანის მოვლისთვის ყველაზე მნიშვნელოვანი მზისგან დამცავის ყოველდღიური გამოყენებაა. SPF-ის ეფექტურობის შესანარჩუნებლად სპეციალისტები გვირჩევენ, დღის განმავლობაში რამდენჯერმე განვაახლოთ მისი ფენა სახის კანზე. ამისთვის კი იდეალური მზისგან დამცავი სტიკებია.
ზაფხული ახლოვდება და ყველა იმაზე ვფიქრობთ, სად გავექცეთ ქალაქის სიცხეს და სწრაფ რიტმს. The Diary–ს Cover Story–ში სწორედ ასეთ განტვირთვაზე, ქალაქგარეთ გასვლასა და დასვენებაზე ვსაუბრობთ. ჩვენი მთავარი გმირები კი მოდელი ანნა შელია და ყოფილი მორაგბე ლაშა ლომიძე არიან.
ლენი კრავიცის პარიზული რეზიდენცია Hotel de Roxy ფრანგული არქიტექტურის, პირადი ისტორიებისა და მუსიკალური მემკვიდრეობის ერთგვარი სინთეზია. 1920-იან წლებში აგებული ვილა დღეს უკვე ლენის ხელწერით გაფორმებული სივრცეა, სადაც იხილავთ ხელოვნების ნიმუშებს, ოჯახურ რელიქვიებსა და მუსიკოსის გრემის ჯილდოებს. სახლი, რომელიც ლენიმ დედამისს მიუძღვნა, სიმბოლურად როქსის ოცნების ასრულებად იქცა.
