პოპ-კულტურაში გავრცელებული ხუმრობის თანახმად, დუა ლიპა მუდმივად შვებულებაშია. მისი ინსტაგრამის გამომწერები დაგვეთანხმებიან, რომ ეს ხუმრობა რეალობასთან ნამდვილად ახლოსაა, რადგან მომღერალი საუკეთესოდ ატარებს ზაფხულს და ამის ამსახველ ფოტოებსაც ხშირად გვიზიარებს.
“dua lipa is always on vacation… which is wrong because i’m british and we call it a holiday” — dua lipa’s monologue on snl pic.twitter.com/nKjajI3IgB — ً (@lipapictures) July 30, 2025
პოპ ვარსკვლავი ინსტაგრამის Photo Dump-ის ოსტატია და გვანებივრებს დასვენების დროს გადაღებული ფოტოებით, სადაც მუდამ გამორჩეული ლუქებით ჩნდება. დუა არა მხოლოდ მუსიკალურ ტრენდებს, არამედ ზაფხულის მოდის ტენდენციებსაც განსაზღვრავს.
განსაკუთრებულ ყურადღებას კი, მისი საცურაო კოსტიუმების კოლექცია იმსახურებს და მოდით დღეს, დუას რამდენიმე საზღვაო ლუქს გადავხედოთ.
კოპლები
წლევანდელი ზაფხულის მთავარი ტრენდი რომ კოპლებიანი სამოსია, ამაზე არაერთხელ გვისაუბრია. ეს კლასიკური პატერნი დუა ლიპას საცურაო კოსტიუმების კოლექციის განუყოფელი ნაწილიც გახლავთ. მომღერალს სულ მცირე ოთხი განსხვავებული სტილის კოპლებიანი კოსტიუმი აქვს. დუამ გაგვიზიარა ფოტოები კლასიკური ბიკინით, რომელიც შავ-თეთრ ფერებშია გადაწყვეტილი.
 |
|
ასევე, ის გამოჩნდა Y2K სტილის ბიკინით, რომელიც მეტალის დეტალებითაა გაფორმებული. და ბოლოს, მომღერალი Cottage Core ესთეტიკაში გახვეულიც ვიხილეთ – შავ-თეთრ, მაქმანებიან ბიკინიში გამოწყობილი.
 |
|
ორმაგი ბიკინი
დუა იბიციდან დასვენების კადრებსაც გვიზიარებს. დუას იბიცის ლუქის ნაწილია Oséree Swimwear-ის ორმაგი ბიკინი, რომლის ერთი ფენა იასამნისფერია, მეორე კი ცისფერი. ამ ლუქს დუამ Chanel-ის მასიური სამაჯურები, ოქროსფერი ბეჭდები და მრგვალი საყურეები შეუხამა.
 |
|
ფერადი პატერნი
დუას საცურაო კოსტიუმების კოლექციაში ფერადი და ყვავილებიანი პატერნის მოდელებიც იყრის თავს. მომღერალი იდეალურად გამოიყურება Feline-ის ყვავილებიან ბიკინიში. ეს მოდელი ზაფხულისთვის ზედგამოჭრილია და საზაფხულო გარდერობში მხიარული და მზიანი ელფერი შემოაქვს.
 |
|
გარდა ამისა, დუა ხშირად ჩნდება რეტროს სტილის დახვეწილი ესთეტიკის მქონე მოდელებში, იქნება ეს ტანზე მომდგარი ყვავილებიანი ბიკინი თუ ნაქსოვი, ჰიპური სტილის საცურაო კოსტიუმი.
ჩრდილოეთ ევროპული მოდის ყველაზე დიდი მოვლენა, კოპენჰაგენის მოდის კვირეული, ყოველწლიურად ამტკიცებს, რომ სკანდინავიელებმა ჩაცმა საუკეთესოდ იციან. ამას მოდის კვირეულისკენ მიმავალი დანიელების ქუჩის სტილიც მოწმობს.
როგორ იქცა The Row-ს Dune შლაპუნა სეზონის ყველაზე მოთხოვნილ მოდელად და რა გზით გახდა უბრალო საზაფხულო ფეხსაცმელი ფარული ფუფუნების სიმბოლო.
კოპენჰაგენის მოდის კვირეულზე შლაპუნებმა მაღალი მოდის სტატუსი მოიპოვეს. ნახეთ როგორ იქცა ეს მარტივი საზაფხულო ფეხსაცმელი სეზონის ყველაზე ტრენდულ აქსესუარად.
