მზად ხართ შთაბეჭდილების მოსახდენად? მთავარი თავდაჯერებაა, თუმცა საკუთარი სტილის სრულყოფილად წარმოჩენაში, ელეგანტური, დეტალებზე ორიენტირებული სამოსის მორგება ყველაზე მეტად გვეხმარება. ამჯერად, გირჩევთ თვალი იტალიური პრემიუმ ბრენდის - TWINSET-ის 2024 წლის გაზაფხული-ზაფხულის კოლექციას გადაავლოთ, რომელიც მსუბუქ ფერთა პალიტრას, დახვეწილ სილუეტებსა და გამორჩეულ აქსესუარებს აერთიანებს.
Ready to make an entrance?
TWINSET 90-იან წლებში შეიქმნა და მომხმარებელს ძირითადად ნაქსოვ სამოსს სთავაზობდა. დროთა განმავლობაში იტალიურმა ბრენდმა ტრანსფორმაცია განიცადა და დღეს ქალებისა და გოგონებისთვის სამოსის, ფეხსაცმლისა და აქსესუარების სრულ სპექტრს გვთავაზობს.
დიზაინერებმა კოლექციებში მაღალი ხარისხის ქსოვილებთან ერთად, აქტიურად შემოიტანეს მაქმანები, ტილო და ფოჩებიანი დეტალები. 2024 წლის გაზაფხული-ზაფხულის კოლექციაც ამ დეტალების ჭკვიანური ნაზავია.
იტალიური ბრენდის პრემიალურობა მის მარადიულ სილუეტებში იმალება.
შეუძლებელია მოდიდან გადავიდეს ტილოს კაბა, რომელიც ფემინურ სილუეტს უკვდავყოფს, ან ჩანთა, რომელიც გარკვეული სტატუსის მატარებელია.
სამოსის დელიკატურად შექმნილი კონსტრუქციები, ნაქსოვი სილუეტები, ტულისა და მაქმანების სინთეზი რომანტიკულ ენას ქმნის, რომლითაც ბრენდი ყოველ ახალ კოლექციაში გვესაუბრება.
საინტერესოა TWINSET-ის სამოსის კონსტრუქციებიც, რომლებიც განსაკუთრებული სიმსუბუქის შეგრძნებას ტოვებს. 2024 წლის გაზაფხული-ზაფხულის კოლექციის ერთ-ერთი გამორჩეული მოდელი კრეპის შავი კაბაა, რომლის ასიმეტრიული, მაქმანებიანი სახელოებიც მოძრაობის ილუზიას ქმნის.
აღნიშვნის გარეშე ვერ დავტოვებთ TWINSET-ის ცნობილ ჩანთას, რომლის ვარიაციებსაც ბრენდი სხვადასხვა ფერსა და ქსოვილებში გვთავაზობს.
იტალიური პრემიუმ ბრენდის ქართული წარმომადგენლობა მომხმარებელს 2024 წლის გაზაფხული-ზაფხულის კოლექციას უკვე თბილისისა და ბათუმის მაღაზიებში სთავაზობს.
Met Gala დიზაინერებისა და სტილისტებისთვის უმნიშვნელოვანესი მოვლენაა. ერთ-ერთი ცნობილი, სტილისტი კუმი კრაიგი გახლავთ, რომელიც წლებია ცნობილი ადამიანების გარეგნობაზე ზრუნავს. წელსაც მისი ხელწერა დაეტყო ირლანდიელი მსახიობის, ჯეიმი დორნანის ლუქს. სტილისტმა მსახიობის ვარცხნილობისთვის American Crew'ს პროდუქცია გამოიყენა.
გამოფენა “საწამლავი წყვილისთვის” ინსპირაციას არტისტის ამავე სახელწოდების მქონე შავ-თეთრი ფოტოსგან იღებს, რომელზეც ორი ვინტაჟური სუნამოს ბოთლია გამოსახული. ექსპოზიცია ქეთი კაპანაძის შემოქმედების ადრეულ პერიოდს მიუყვება და იმ ნამუშევრებს წარმოგვიდგენს, რომლებიც საქართველოში პირველადაა გამოფენილი.
კანის კინოფესტივალი, ერთ-ერთი ყველაზე ძველი საერთაშორისო კინოფესტივალი, საფრანგეთის სამხრეთში ყოველწლიურად იმართება. ის 77 წლის შემდეგაც არ კარგავს აქტუალობას და დღემდე კინოინდუსტრიის მთავარი მოვლენაა. მანამ, სანამ წლევანდელი ფესტივალი დაიწყება, მისი დაარსების ისტორიის უცნობ და საინტერესო დეტალებზე გიამბობთ.